Hindi ilçihanasy türkmen ýaşlaryny AYUSH stipendiýa maksatnamasyna gatnaşmaga çagyrýar
Hindistanyň Türkmenistandaky ilçihanasy Hindistanda AYUSH dersleri boýunça okamak we 2023-2024-nji ýyllarda bakalawr, aspirantura we doktorlyk derejelerini almak üçin stipendiýa maksatnamasyna kabul edişligiň açylandygyny habar berýär.
AYUSH ministrligi saglygy goraýyşyň aýurweda, ýoga, naturopatiýa, unani, siddha we gomeopatiýa ýaly ulgamlary boýunça bilimleri hödürleýär.
Hindistan hökümetiniň AYUSH ministrligi ýurtda bilimiň, ylmy barlaglaryň ösüşi we adaty lukmançylyk ulgamlarynyň ýaýbaňlanmagy babatda işleri alyp barýar we türkmen ýaşlaryny stipendiýa maksatnamasyna gatnaşmaga çagyrýar. Hindistanyň saglygy goraýyş edarasy okuwlaryň we ýaşaýyş jaý töleglerini, dissertasiýa üçin çykdajylary we uçuş petekleriniň bahasyny öz üstüne alýar.
Arzalary tabşyrmagyň soňky möhleti: 2023-nji ýylyň 31-nji maýy.
Stipendiýa programmasy baradaky maglumatlar bilen şu salgyda tanyşmak bolar.
ORIENT news
