Türkmen futbolçysy Gonkongyň çempionatynda möwsümiň iň gowy oýunçysy diýlip ykrar edildi
Türkmen futbolçysy, «Kitçiniň» ýarym goragçysy Ruslan Mingazow 2022/23-nji ýylyň futbol möwsüminiň jemleri boýunça Gonkongyň çempionatynyň iň gowy oýunçysy diýlip ykrar edildi.
Möwsümiň iň gowy oýunçysy ady üçin ses bermede çempionatyň toparlarynyň kapitanlary we baş tälimçileri, Gonkongyň öňdebaryjy sport KHBS-niň baş redaktorlary gatnaşdylar.
Futbolçynyň özi sylagy almagy babatda öz pikirini şeýle beýan etdi: «Bu meniň futbol karýeramdaky iň gowy agşamlaryň biri. Bulary jemlemek bilen, men bir zady aýtmak isleýärin: bütin dünýädäki adamlaryň meniň häzirki başdan geçirýän bagtymy duýup biljeklerini umyt edýärin. Özümiň güneşli Türkmenistanyma aýratyn minnetdarlyk bildirýärin we meni goldaýan ähli adamlara hoşallygymy bildirýärin. Watanyma sag bolsun aýdýaryn, meniň üçin Türkmenistana wekilçilik etmek we üstünlik gazanmak uly hormatdyr» - diýip, futbolçy özüniň Instagramdaky sahypasynda paýlaşdy.
Çempionatyň geçen oýnunda Mingazow 17 gol geçirip, ýaryşyň iň gowy hüjümçisi boldy. Mundan başga-da, türkmen futbolçysy «Kitçiniň» düzüminde Gonkongyň Kubogyny gazandy, ýurduň çempiony boldy we Gonkong Senýor Şild baýragynyň eýesi boldy.
2023-nji ýylyň başynda «Kitçi» futbol kluby Ruslan Mingazow bilen şertnamanyň 2025-nji ýyla çenli uzaldylýandygyny yglan etdi.
ORIENT habarlar
