"Türkmenistan" awiakompaniýasy Türkmenistan bilen Gazagystanyň arasyndaky howa gatnawlaryny gaýtadan ýola goýdy. “Türkmenhowaýollary” agentliginde “Orient”-e habar bermeklerine görä, Aşgabatdan Almaty şäherine uçuşlar hepdede bir gezek - anna güni Boeing-737 uçarynda amala aşyrylýar.
11-nji iýundan başlap Awtomobil ulag hyzmaty AGPJ Aşgabat-Awaza-Aşgabat ugry boýunça awtobus gatnawyna badalga berer – diýip, «Türkmenawtoulaglary» agentliginiň saýty habar berýär.
ABŞ-nyň halkara ösüş agentligi tarapyndan maliýeleşdirilýän (USAID) Türkmenistandaky «Merkezi Aziýada howpsuz migrasiýa» (SMICA) maksatnamasynyň wekilleri Merkezi Aziýa üçin BMG-niň öňüni alyş diplomatiýasynyň Sebit merkezi, BMG-niň terrorçylyga garşy müdirligi, BMG-niň Neşeler we jenaýatçylyk baradaky müdirligi bilen bilelikde BMG-niň Neşeler we jenaýatçylyk baradaky müdirliginiň okuw materiallary Türkmenistanyň Bilim ministrligine gowşurylyş dabarasyny guradylar.
Duşenbe güni 5-nji iýunda, Nýu-Ýorkda Türkmenistanyň BMG-daky hemişelik wekili Aksoltan Ataýewanyň Koreýa Respublikasynyň Daşary işler ministrliginiň köptaraplaýyn gatnaşyklar ministriniň orunbasary Ýongmin Park bilen duşuşygy geçirildi.
Gadymy usula görä türk halklarynyň tagamlary Gyrgyzystanda «Türk halklarynyň däp bolan aşhanasy» atly ilkinji halkara etno-festiwalynda taýýarlandy. Ýedi ýurtdan iň gowy aşpezler baýramyň myhmanlaryna milli tagamlar bilen çemeleşdiler diýip, Gyrgyzystanyň metbugaty habar berýär.
«Merkezi Aziýada suw desgalarynyň durnukly ösüşi üçin suw serişdelerini dolandyrmak boýunça netijeli garaýyşlar» ady bilen onlaýn görnüşde forum, Türkmenistanyň «Merkezi Aziýa — Koreýa Respublikasy» 16-njy hyzmatdaşlyk forumynda başlyklyk etmeginiň çäginde geçirildi.
Türkmen «Arçalyk», «Kilwan», «Altyn Ýunus», «Parasatly», «Balşeker», «Ak Gar», «Mähriban-Merw», «Täze Aý», «Balam», «Sada», «Tükel» kompaniýalary 12-14-nji iýul aralygynda Türkiýede geçiriljek Food Istanbul Expo 2023 sergisine gatnaşjakdygyny mälim etdiler.
Amerikan geňeşi Türkmenistanyň raýatlaryny GRE Maksatnamasyna — ABŞ-da we beýleki birnäçe ýurtlarda magistratura/doktorantura tabşyrmak prosessinde Graduate Record Examination (GRE) synagyna taýýarlanmak üçin zerur başarnyklary kämilleşdirmäge kömek etjek gibrid okuw maksatnamasyna gatnaşmaga ýüz tutmaga çagyrýar.
ÝUNESKO tarapyndan her ýylyň iýun aýynyň birinji ýekşenbesinde bellenilýän Bütindünýä ertirlik gününiň çäklerinde Türkiýäniň ilçisiniň Aşgabatdaky rezidensiýasynda türk ertirligi hödürlendi.
Ýewropa Birleşiginiň Türkmenistandaky ilçisiniň maşgalasy Dubrawka Ýowanowiç türkmen paýtagtyny bagy-bossanlyga öwürmekde goşan goşandy üçin Türkmenistanyň Oba hojalyk we daşky gurşawy goramak ministrliginiň, şeýle hem ýurduň Agrar partiýasynyň hormat hatlaryna mynasyp boldy.
Türkmenistanyň Prezidenti Serdar Berdimuhamedow Hindistan Respublikasynyň Prezidenti Draupadi Murmuwa we Premýer-ministri Narendra Modä Odişa ştatynda bolup geçen, köp sanly adam pidalaryna we şikes ýetmelerine getiren pajygaly otly heläkçiligi zerarly gynanç hatyny iberdi.
9-njy iýunda paýtagtyň «Aşgabat» kinoteatrynda rus kinosy we animasiýa hepdeliginiň dabaraly açylyşy bolar. Bu barada ORIENT-iň habarçysyna Russiýa Federasiýasynyň Türkmenistandaky ilçihanasynyň birinji sekretary Ýuliýa Zaýtsewa aýtdy.
Rus diliniň gününe we A.S.Puşkiniň doglan gününe bagyşlanan dabaralar paýtagtyň «Aşgabat» seýilgähinde geçirildi.
Şenbe güni Türkmenistanyň Pakistandaky ilçihanasy Yslamabatda dürli gatlakdaky adamlary işjeň durmuş ýörelgesini we ekologiýa taýdan arassa çemeleşmeleri wagyz etmek arkaly welosiped sürmäge has köp üns bermäge höweslendirmek üçin uly ýaryş gurady.
Prezident Serdar Berdimuhamedow Bütindünýä welosiped güni mynasybetli Aşgabatda şenbe güni geçirilen köpçülikleýin welosipedli ýörişe gatnaşdy. Däp bolşy ýaly, şol gün türkmenistanlylaryň müňlerçesi welosipedli ýörişe gatnaşdylar, baýramçylyk çäreleri paýtagtda bolşy ýaly, ýurduň sebitlerinde-de geçirildi.
