Türkmenistanyň Prezidenti Serdar Berdimuhamedow Oraza baýramyny 2023-nji ýylyň 21-nji aprelinde bellemek boýunça Permana gol çekdi. Şuňa laýyklykda Ораза байрамы indiki hepdäniň anna güni belleniler.
Türkmenistanyň Prezidenti Serdar Berdimuhamedow ýetip gelýän tomus möwsümi bilen baglanyşykly guramalarda we kärhanalarda, ilatyň arasynda ýangyn howpsuzlygynyň kadalary barada düşündiriş işleri geçirmegi tabşyrdy.
Türkmenistanda ÝHHG-nyň Merkezi tarapyndan gurnalan žurnalistler üçin iki günlük okuw tamamlandy.
Iordaniýanyň paýtagty Ammanda şu günler mukaddes Gurhany okamak boýunça XXX Halkara bäsleşik geçirýär. Dünýäniň dürli künjeginden musulmanlaryň gyzyklanmasyna eýe bolýan bu bäsleşik Iordaniýa patyşasynyň howandarlygynda geçirilýär.
Döwlet howpsuzlyk geňeşiniň sekretary, goranmak ministri Begenç Gündogdyýew Türkmenistanyň Prezidenti, Türkmenistanyň Ýaragly Güýçleriniň Belent Serkerdebaşysy Serdar Berdimuhamedowa harby-taktiki okuwlara görülýän taýýarlyk işleri barada hasabat berdi.
Eýran aýal-gyzlaryň bilim meselesinde Owganystana kömek bermäge taýýar. Bu barada Eýranyň Daşary işler ministri Huseýin Amir Abdollahian Eýranyň, Russiýanyň, Hytaýyň we Päkistanyň Samarkantda geçirilen dört taraplaýyn duşuşygynda aýtdy.
Russiýanyň Patris Lumumba adyndaky Halklaryň dostlugy uniwersitetine (RUDN) žurnalist işgärleri taýýarlamak we gaýtadan taýýarlamak boýunça GDA-nyň esasy guramasy derejesini bermek göz öňünde tutulýar. Bu mowzuga Russiýanyň we Merkezi Aziýanyň daşary syýasat edaralarynyň ýolbaşçylarynyň 14-nji aprelde Samarkantda geçiriljek altynjy ýygnagynda serediler. Bu baradaky maglumat Russiýanyň Daşary işler ministrliginiň internet saýtynda çap edildi.
Stambulda hemra-şäherleri, «ätiýaçlyk» şäherleri diýlip atlandyrylýanlary döretmegi meýilleşdirýärler – diýip, TASS habar berýär. Olar Stambul gämi kanalynyň iki tarapynda hem ýerleşerler, olary Bosforyň daşyndan aýlap gurarlar.
Hytaýyň häkimiýetleri mekdeplerde we jemgyýetçilik ulaglarynda örtükleriň hökmany dakylmagyny ýatyrdy – diýip, Hytaýyň «Sinhua» habarlar agentligi habar berýär.
Özbegistanyň Konstitusiýasynyň täze redaksiýasyny kabul etmek boýunça referenduma görülýän taýýarlygyň çäklerinde «REFERENDUM2023uzBot» telegram-bot döredildi – diýlip, Özbegistanyň Milli maglumatlar agentligi habar berýär.
BMG-niň Türkmenistandaky ösüş Maksatnamasy D. Azady adyndaky Türkmen milli dünýä dilleri institutynda «Kitap – paýhas çeşmesi» Kitap klubynyň çäklerinde Durnukly ösüşiň maksatlarynyň agşamlarynyň birnäçesiniň badalga berilmegine gatnaşdy.
Türkmenistanyň Döwlet migrasiýa gullugy Migrasiýa baradaky halkara guramasynyň Ösüş gaznasynyň wekili Alessiýa Kastelfranko bilen gepleşikleri geçirdi.
Özbegistanyň Prezidenti Şawkat Mirziýoýew her bir ministre, ýokary bilim mekdebiniň rektoryna, Milli gwardiýanyň serkerdesine we ýurduň ýolbaşçy korpusynyň beýleki agzalaryna ünsi we aladany talap edýän 50 sany ýaşlary berkitdi. Özbegistanyň ýolbaşçysy bu barada sişenbe güni ýaşlar bilen işlemek baradaky mejlisinde aýtdy, - diýip resmi özbek metbugaty ýazýar.
Türkmenistan şu ýylyň 13 — 15-nji dekabry aralygynda Ženewada geçiriljek Bosgunlar boýunça global foruma gatnaşar. Maslahatyň öňýanynda BMG-niň Almaty şäherindäki wekilhanasynyň binasynda geçiriljek foruma taýýarlyk boýunça sebitleýin tegelek stol geçiriler – diýip, Gazagystanyň Daşary işler ministrliginiň resmi saýtynda habar berilýär.
Türkmenistanda 17-nji aprelden 28-nji aprel aralygynda 2023/2024-nji okuw ýylynda Russiýanyň ýokary bilim mekdeplerinde okamak üçin kwota almaga seçip alyş synaglary geçiriler. Dalaşgärler internet platformasynda saýlanan hünäre laýyklykda iki ders boýunça uzakdan synagy geçerler.
