Türkmenistan Daşkentde medeni mirasy goramagy güýçlendirmek boýunça sebitleýin okuwlara gatnaşýar
Daşkentde ÝUNESKO tarapyndan Merkezi Aziýadaky we Owganystandaky medeni ýadygärlikleri goramagy güýçlendirmek boýunça sebitleýin seminar geçirilýär. Hukuk goraýjy we kazyýet edaralarynyň bu ugurda mümkinçiliklerini ýokarlandyrmak boýunça okuwlara Gazagystanyň, Gyrgyzystanyň, Täjigistanyň, Türkmenistanyň, Özbegistanyň, Eýranyň, Pakistanyň degişli gurluşlarynyň işgärleri, şeýle hem Ýewropada ýaşaýan owgan hünärmenleri gatnaşýarlar - diýip, Özbegistanyň Medeni miras agentligi habar berýär.
Bilermenler medeni gymmatlyklaryň bikanun dolanyşygyna, ogurlanmagyna we galplaşdyrylmagyna garşy göreş ulgamynda zerur bilimleri we endikleri alarlar. Seminara gatnaşyjylar maglumat alyşmak we bikanun satylan artefaktlary we gymmatlyklary yzyna dolamak boýunça çäreleri utgaşdyrmak üçin sanly tor döretmek meselesini ara alyp maslahatlaşdylar.
Seminar Interpol, Bütindünýä gümrük guramasy (BSG) we Halkara muzeýler geňeşi (ICOM) bilen bilelikde guraldy.
Maslahat öz işini 7-nji iýunda tamamlar.
ORIENT news
