Ylymlar gününiň öňüsyrasynda Halkara nebit we gaz uniwersitetinde maslahat geçirildi
Ýagşygeldi Kakaýew adyndaky Halkara nebit we gaz uniwersitetinde Ylymlar gününiň öňüsyrasynda «Halkara nebitgaz pudagynda türkmen ylmynyň orny» atly maslahat geçirildi.
Çärä ýurduň ýokary okuw mekdepleriniň talyplary we mugallymlary gatnaşdylar. Wideoşekilli aragatnaşyk arkaly seminara uniwersitetiň Balkan welaýatyndaky şahamçasynyň diňleýjileri we lektorlary hem birikdiler.
Maslahatyň barşynda türkmen ýokary okuw mekdepleriniň mugallymlary we talyplary özleriniň bilim edaralarynda alnyp barylýan ylmy-barlag işleriniň netijeleri barada, şeýle hem ylmyň dürli ugurlarynda daşary ýurtly hyzmatdaşlary bilen gatnaşyklarynyň geljegi barada gürrüň berdiler.
Çykyş edenler ýurtda ylmy barlaglaryň esasyny pugtalandyrmak we öňdebaryjy tehnologiýalaryň we fundamental nazaryýet ylymlarynyň esasynda sanly ykdysadyýeti döretmek boýunça toplumlaýyn işleriň alnyp barylýandygyny bellediler.
Şol bir wagtda döredijilikli oýlap tapyşy bilen tapawutlanýan ýokary derejeli hünärmenleri taýýarlamaga we zehinli ýaşlaryň ylyma höweslendirilmegi üçin giň gerimli işler gönükdirilendir.
Ylmy babatda üstünlikli işleriň mysallarynyň biri hökmünde Ýagşygeldi Кakaýew adyndaky Halkara nebit we gaz uniwersiteti çykyş etdi, ol ýerde 2023-nji ýylyň fewralynda ilkinji gezek «Tebigy gazdan wodorod energiýasyny almagyň ylmy-tehniki mümkinçilikleri» atly halkara maslahat geçirildi.
Bu uniwersitetiň professorlary we talyplary özleriniň barlag we taslama işleri barada ylmy makalalary yzygiderli çap edýärler. 2023-nji ýylyň ýanwar aýyndan maý aýyna çenli ýokary okuw mekdebiniň mugallymlary we talyplary tarapyndan ýazylan 240-dan gowrak material ýurdumyzdaky we daşary ýurtlardaky žurnallarda çep edildi.
Artur PETROSÝANS
