Türkmenistan ÝUNESKO-nyň Pariždaky baş edarasynda geçirilen foruma gatnaşdy
Medeni aňlatmalaryň dürlüligini goramak we öňe sürmek baradaky konwensiýa gatnaşyjylaryň konferensiýasynyň dokuzynjy sessiýasy 6- njy iýunda ÝUNESKO-nyň Pariždaky merkezinde öz işine başlady. Forumda Türkmenistana ilçi we Türkmenistanyň ÝUNESKO-daky hemişelik wekili Maksat Çaryýew wekilçilik edýär.
Guramanyň sekretariaty mejlisiň açylyşynda Konwensiýa üç täze döwletiň: Kapo Werde, Pakistan we Türkmenistanyň goşulandygyny habar berdi. Forumda çykyş edenler bu ýurtlary 2005-nji ýyldaky konwensiýa we medeni dürlilik boýunça halkara hereketine goşulandyklamagy bilen gutladylar we makulladylar.
Maksat Çaryýew öz çykyşynda Türkmenistanyň däp bolan sungaty, senetçiligi, sazy we tanslary gorap saklamak, medeni dürlüligi we medeniýetler arasyndaky gepleşikleri ösdürmek boýunça alyp barýan işleri barada gürrüň berdi. Ol Türkmenistanda dürli medeni däp- dessurlara has çuňňur düşünmäge goşant goşýan medeni merkezleriň we muzeýleriň döredilendigini, döredijilik festiwallarynyň, çeper alyş- çalyşlaryň geçirilýändigini nygtady.
Şeýle hem, ilçi, Türkmenistanyň Konwensiýanyň maksatlaryna we wezipelerine ýetmek üçin işe işjeň gatnaşmaga taýýardygyny belläp, ýurdumyzyň ÝUNESKO we bugunki gün 152 sany oňa gatnaşýan ähli döwletler bilen hyzmatdaşlygyny dowam etdirmek kararyna gelendigini beýan etdi.
Sessiýanyň we Ýewropa Bileleşiginiň wekilleri Parižde geçirilen mejlisde Konwensiýanyň durmuşa geçirilişine we pandemiýadan soňky döwürde medeni hem-de döredijilik pudaklarynda ýüze çykan meseleleri çözmegiň ýollaryna seredýärler. Gatnaşanlar sanly gurşawda medeni aňlatmalaryň dürlüligini giňeltmek, medeni önümler we hyzmatlar üçin ýeňillikli bejeriş çärelerini üpjün etmek we suratkeşleriň we medeni hünärmenleriň ýagdaýyny berkitmek üçin mümkinçilikleri ara alyp maslahatlaşýarlar.
Türkmenistanyň 2021-nji ýylyň iýul aýynda medeni aňlatmalaryň dürlüligini goramak we höweslendirmek Konwensiýasyna goşulandygyny bellemek ýerliklidir.
ORIENT news
