Türkmenistanlylar HWG-nyň her ýylky geçirilýän duşuşygyna gatnaşyp bilerler
Türkmenistandan bolan ýaş liderler Halkara walýuta gaznasynyň we Bütindünýä bankynyň Marokkonyň Marakkeş şäherinde oktýabrda boljak her ýylky duşuşygynyň gatnaşyjylary bolup bilerler.
Halkara walýuta gaznasynyň stipendiýasyny almak üçin ýüz tutmalaryň kabul etmek eýýäm başlandy. Oňa bütin dünýäden 20 ýaşdan 35 ýaşa çenli bolan ýaş adamlar gatnaşyp bilerler. Munuň üçin olar özleriniň şahsy görüşini açyp görkezýän şekilli görnüşi taýýarlamaly bolarlar, şeýle hem aşakdaky temalaryň biri boýunça innowasion çözgütleri işläp taýýarlamaly:
– sanlylaşdyrmagyň öňe sürülmegi;
– howanyň üýtgemegi meselesiniň çözgüdi;
– iş orunlarynyň köp mukdaryny we ýaşlar üçin mümkinçilikleri döretmek üçin deňsizligi azaltmak.
Dalaşgärleriň halkara gatnaşyklary we ösüş, kommunikasiýa, ykdysadyýet ýa-da garyşyk ugurlardan bilimi bolmalydyr.
Halkara walýuta gaznasynyň bu maksatnamasy Gaznanyň hemmeler üçin durnukly we inklýuziw ösüşi üpjün etmek boýunça tagallalaryna goşant goşmak isleýän stipendiatlary gözleýär.
Seçilip alnanlar HWG we onuň bilermenleri tarapyndan geçirilýän seminarlara gatnaşarlar, alymlar bilen, şeýle hem dünýäniň dürli ýurtlaryndan ýaş liderler bilen duşuşarlar.
Ýüz tutmalar şu salgylanma boýunça 30-njy iýuna çenli kabul edilýär.
ORIENT habarlar
