Türkmenistanyň Gazagystandaky ilçisi Batyr Rejepow Ýewropa Birleşigi bilen Merkezi Aziýa ýurtlarynyň arasyndaky howpsuzlyk syýasaty meseleleri boýunça Astanada geçen her ýylky geçirilýän 10-njy duşuşyga gatnaşdy – diýip, Türkmenistanyň GR-daky ilçihanasy habar berýär.
Türkmenistanyň we Angolanyň BMG-daky hemişelik wekilleri – Ilçi Aksoltan Ataýewa we Kruz Fransisko Hose Da Aşgabat bilen Luanda arasynda diplomatik gatnaşyklary pugtalandyrmak üçin ilçileriň deňhukukly akkreditasiýasynyň tarapdary bolup, Milletler Bileleşiginiň platformasynda özara gatnaşyklar we ikitaraplaýyn hyzmatdaşlyk meselelerini ara alyp maslahatlaşdylar.
Lebap welaýatynyň Seýdi şäherinde synag sebtinde ýer we suw baýlyklaryny tygşytly peýdalanmak üçin usullary we tehnologiýalary ulanmak, şeýle hem howanyň üýtgemegi we biodürlüligi gorap saklamak şertlerinde ýerden peýdalanmagy meýilleşdirmek arkaly alternatiw girdeji çeşmelerini almak boýunça seminar geçirildi.
Merkezi Aziýanyň 5 ýurdunyň hünärmenleri Günorta Koreýada ösen suw arassalaýyş tehnologiýalary bilen tanyşdylar. Taslamanyň çäginde öz ýurtlarynyň, şol sanda Türkmenistanyň suw pudaklaryna wekilçilik edýän bilermenler Demirgazyk Çhunçhon welaýatynyň paýtagty Çhondžu şäherinde ýerli suw arassalaýyş zawodyna baryp gördüler.
Sişenbe güni Türkmenistanyň Daşary işler ministri Raşid Meredow iş sapary bilen Aşgabat şäherine gelen ÝHHG-nyň milli azlyklar boýunça Ýokary komissary Kaýrat Abdrahmanow bilen gepleşik geçirdi diýip, ýurdumyzyň Daşary işler ministrliginiň metbugat gullugy habar berýär.
Duşenbe güni Aşgabatda "Kitap – paýhasyň çeşmesi" kitap klubynyň alyp barýan işiniň çäginde Durnukly Ösüş Maksatlary (DÖM) boýunça duşuşyk geçirildi. Bu çäre ýaşlary DÖM-i durmuşa geçirmek boýunça global çäreler bilen tanyşdyrmaga we ýaş nesliň bu işde möhüm ornuny bellemäge gönükdirilendir. Duşuşyk Birleşen Milletler Guramasynyň Ösüş Maksatnamasy (BMGÖM) we Döwletmämmet Azady adyndaky Türkmen milli dünýä diller instituty tarapyndan gurnaldy.
“GreenLight” strategiýasyna laýyklykda, “Buig Turkmen” kompaniýasy kömürturşy gazyň zyňyndylaryny azaltmak boýunça maksatlaryna ýetmek üçin birnäçe çäreleri durmuşa geçirýär. Uglerodyň ýaramaz täsirini azaltmakda möhüm görkezijileriň biri binalaryň energiýa netijeliligi we gaýtadan dikeldilýän energiýa çeşmeleriniň peýdalanylmagydyr.
Soňky 5 aýyň içinde Türkiýä çaklanylýan görkezijiden hem köp syýahatçy geldi. Bu barada “Şahinler Holding” kompaniýasynyň direktorlar geňeşiniň ýolbaşçysy Kemal Şahiniň sözlerine salgylanyp, “Anadolu” habarlar agentligi mälim edýär.
Ýewropanyň Täzeleniş we ösüş banky kiçi we orta telekeçilik üçin tejribeligiň innowasion maksatnamasyna badalga berilýändigini yglan edýär. Şunuň bilen baglylykda, ähli gyzyklanýan kompaniýalary oňa gatnaşmaga çagyrýar.
Türkmen parlamentiniň başlygy Dünýägözel Gulmanowa ÝHHG-nyň Milli azlyklaryň işi boýunça Ýokary Komissary Kaýdar Abdyrahmanow bilen duşuşyk geçirdi, onuň barşynda bilen ikitaraplaýyn hyzmatdaşlygyň meseleleri ara alnyp maslahatlaşyldy.
Bütindünýä saglygy goraýyş guramasy we Ermenistanyň Saglygy goraýyş ministrligi Ermenistanda "Immun patrullygy" atly immun ulgamy we immunizasiýa boýunça täze bilim modulynyň synag taslamasynyň netijelerini paýlaşmak üçin 14-15-nji iýunda Ýerewanda sebitleýin duşuşyk geçirer.
2024-nji ýylyň ahyryna çenli Karaganda derman toplumynda Russiýanyň tehnologiýasy boýunça insuliniň analogy öndürilip başlanar. Soçide geçirilen Ýewraziýa Ykdysady Bileleşiginiň ýurtlarynyň hökümetara geňeşiniň çäginde uzakmöhletleýin ygtyýarnama şertnamasyna gazak we rus derman senagatlary tarapyndan gol çekildi – diýip, . Sputnik Gazagystan Russiýanyň Senagat we söwda ministrliginiň metbugat gullugyna salgylanmak bilen habar berýär.
ÝUNESKO-nyň işleri barada Türkmenistanyň milli toparynyň mejlisi 12-nji iýunda Aşgabatda, Türkmenistanyň Ministrler Kabinetiniň Başlygynyň Orunbasary, Türkmenistanyň Daşary işler ministri Raşid Meredowyň ýolbaşçylygynda geçirildi. Bu barada Türkmen Daşary işler ministrliginiň saýty habar berildi.
Şenbe güni Özbegistan Respublikasynyň Buhara welaýatynda «Magtymgulynyň bütindünýä şöhraty» atly dialog-konferensiýasy geçirildi. Gündogaryň beýik akyldary we nusgawy şahyry Magtymguly Pyragynyň dünýä inmeginiň 300 ýyllygyna bagyşlanan forum iki ýurduň wekillerini Özbek meýdançasynda ýygnady diýip, Türkmenistanyň Daşary işler ministrliginiň saýty habar berýär.
Türkmen okuwçylary jemleýji tapgyry Aşgabatda geçirilen fransuz dili olimpiadasynda ýeňiji boldy. Ýeňijiler we baýrak alanlar Türkmenistanyň Daşary işler ministrliginiň Halkara gatnaşyklar institutynda sylaglandy.
