Türkmenistanyň Zähmet we ilaty durmuş taýdan goramak ministri Muhammetseýit Sylabow katarly kärdeşi Smaýh al-Marri bilen gepleşikleri geçirdi, onuň barşynda iki ýurduň arasynda zähmet ulgamyndaky hyzmatdaşlygy giňeltmegiň ýollary maslahatlaşyldy – diýip, Gulf Times habar berýär.
Ýatdan çykmajak toýlaryň geçirilmegi bilen meşhur bolan Türkiýe RSVP gymmatly toýlary gurnaýjylaryň birleşmesiniň sylaglama gala-dabarasynda dünýäde «iň halanýan ugur» diýlip ykrar edildi.
Türkmenistandan 250-den gowrak adam Beýik Watançylyk urşuna bagyşlanan, eýýäm halkara çärä öwrülen — «Ýeňiş Diktanty 2023« gatnaşdylar – diýip, Aşgabatdaky Rus öýi habar berýär.
Moskwa döwlet pedagogika uniwersitetinde (MPGU) bilim alýan Türkmenistanly talyp Narina Kiselýowa «Dünýä öz Watanyň hakda gürrüň ber» atly V halkara bäsleşiginde ýeňiji boldy.
BMGÖM-iň Türkmenistandaky hemişelik wekili hanym Narine Saakýan ilkinji iki günlük iş saparyny 2023-nji ýylyň 24-nji aprelinden 26-njy apreline çenli Global Ekologiki Gaznasy (GEF) tarapyndan maliýeleşdirilýän hem-de BMGÖM we Türkmenistanyň Oba hojalygy we daşky gurşawy goramak ministrligi tarapyndan durmuşa geçirilýän "Aral deňziniň basseýninde ýer baýlyklaryny we ýokary tebigy ekosistemalary gorap saklamak we durnukly dolandyrmak" (Aral taslama).
Türkmenistanyň howa flotunyň üsti “Airbus A330-200P2F” ýük uçarynyň ýene biri bilen ýetirildi. 27-nji aprelde penşenbe güni täze uçar türkmen paýtagtynyň halkara howa menziline gondy. Bu uçar, “Türkmenhowaýollary” agentligi bilen Fransiýanyň «Airbus S.A.S.» kompaniýasynyň arasynda baglaşylan şertnama esasynda ýurdumyzyň satyn alýan şeýle kysymly häzirki zaman uçarlarynyň ikinjisidir. Birinji howa gämisi “Türkmenhowaýollaryna” şu ýylyň mart aýynyň ortalarynda gowuşdy.
Häzirki wagtda Türkmenistanyň himiýa senagaty ýurdumyzyň ykdysadyýetiniň geljegi uly we ösýän pudaklaryndan biridir. Soňky ýyllarda iň uly himiýa desgalary – Garabogazdaky ammiak we karbamid zawody, Gyýanlydaky polimer zawody, Owadandepede tebigy gazdan benzin öndürýän zawod işe girizildi. Mundan başga-da, türkmen himiýa senagaty ýerli uglewodorod çig malyny iň köp mukdarda ulanmaga niýetlenendir diýip, «Türkmenhimiýa» döwlet konserniniň başlygy Nyýazly Nyýazlyýew penşenbe güni Dubaýda (BAE) geçirlen maýa goýum forumynda eden çykyşynda aýtdy.
ORIENT 27-nji aprelden 30-njy aprel aralygynda Aşgabatda boljak medeni çäreleriň anonsyny höödürleýär. Çäreleriň rejenamasy gurnaýjylaryň seretmegine görä üýtgäp biler.
Türkmenistanyň Telekommunikasiýa we informatika institutynyň wekilleri milli wekiliýetiň düzüminde «Awiasiýanyň we kosmonawtikanyň möhüm meseleleri» temasy boýunça Krasnoýarskiýdäki IX ylmy-amaly maslahata gatnaşdylar.
Türkiýäniň prezidentiniň ýanyndaky Kommunikasiýa müdirliginiň neşirýat we teleradioýaýlymlar bölüminiň baştutany, TRT telekanalynyň direktorlar geňeşiniň agzasy Oguz Göksu Stambulda türki dilli dünýäniň synçylarynyň Simpoziumynda çykyş etmek bilen, türki dilli ýurtlary köpçülikleýin habar beriş serişdeleri we kommunikasiýa babatynda hyzmatdaşlygy we utgaşdyrmany ösdürmäge çagyrdy.
Türkmenistanyň Ukrainadaky ilçisi Toýly Ataýew Igor Sikorskiý adyndaky Kiýewiň politehniki institutynyň Halkara bilim merkeziniň direktory Sergeý Maulik bilen bilim babatyndaky hyzmatdaşlygy ara alyp maslahatlaşdy – diýip, Türkmenistanyň Kiýewdäki diplomatik wekilhanasy habar berýär.
“Galkynyş” käni dünýä gaz gorlarynyň özboluşly ammarydyr. Gatlaklaryň çuňlugy 580-600 metr bolup, ony şertli ýagdaýda Burj Halif binasy bilen deňeşdirende, bu binanyň beýikliginiň 70% -ine deňdir. Uglewodorod gorunyň göwrümi 84 trillion kub metr – diýip, “GaffneyCline” kompaniýasynyň tehniki müdiri Stiwen Raýt Dubaýda (BAE) Halkara maýa goýum forumynda çykyşyna başlady.
Türkmenistanyň hukuk goraýjy edaralarynyň wekilleri sebitiň ýurtlaryndan beýleki wekiliýetler bilen bir hatarda ÝB-niň Gaagadaky, Niderlandlara degişli agentliklerine we edaralaryna tanyşdyrylyş saparyna gatnaşdylar. Bu barada Ýewropa Birleşiginiň wekilhanasynyň Instagramdaky sahypasynda habar berilýär.
Türkmenistanyň Saglygy goraýyş we derman senagaty ministrligi BSGG-nyň Ýurt edarasy bilen bilelikde lukmançylyk işgärleri üçin ilatyň COVID-19 garşy sanjyma bolan ynamyny ýokarlandyrmak meseleleri boýunça seminar geçirdi. Ýewropanyň immunizasiýa hepdeliginiň çäklerinde geçirilen çäräniň bilelikdäki guraýjylary bolup BMG-niň Çagalar gaznasynyň we Türkmenistandaky Ýewropa Birleşiginiň wekilhanalary çykyş etdiler.
Geljege «wagt maşynynda» syýahat etmek üçin – BAE-nyň Dubaýda ýygnanan Türkmenistanyň Energetika pudagyna maýa goýumlaryny çekmek boýunça halkara forumyň wekillerine şeýle mümkinçilik berildi. Futuristik wirtual gezelenç, çarşenbe güni, 26-njy aprelde Hyatt Regency Creek Heights-de başlajak ertiriň energetikasy barada çekişmeleriň reňkli başlangyjy boldy.
