Koreýa Respublikasynyň Türkmenistandaky ilçihanasy «Koreýa Respublikasy hakyndaky wiktorina» («Quiz on Korea») milli seçip almalary geçirýär. Bu barada diplomatik wekilhananyň saýtynda habar berilýär.
Üç esasy dag şypahanasy - Soçiniň “Rosa Hutor”, Gazagystanyň “Şymbulak” we Özbegistanyň “Amirsoý” şypahanalary ştab-kwartirasy Almatyda ýerleşýän Ýewraziýa dag şypahanalarynyň bileleşigini döretmek barada jarnama gol çekdiler – diýip, RIA Nowosti habar berýär.
Gyrgyzystan GDA we Ýewraziýa Ykdysady Bileleşigine (EAEU) agza ýurtlaryň ýaş telekeçiler forumyny geçirmegi teklip edýär. “Şeýle ädim ýewraziýa integrasiýasyny berkitmäge ýardam eder” – diýip, Gyrgyzystanyň Ministrler Kabinetiniň Başlygynyň birinji orunbasary Adylbek Kasymaliýew Soçide Arkalaşygyň we EAEU-nyň ýaşlary bilen geçirilen duşuşykda aýtdy. Bu barada Gyrgyzystanyň hökümetiniň metbugat gullugy habar berýär.
Elektronika dünýäsi dükany we Berkarar söwda we dynç alyş merkezinde ýerleşýän “Samsung” dükany dünýä belli Hitachi brendiniň saýlanan görnüşdäki tozan sorujylaryna 15% arzanladyş yglan edýär. Satyn alynan tozan sorujylara dükanlar tarapyndan resmi 1 ýyllyk kepillik berilýär.
Garaşsyz döwletler arkalaşygynyň Hökümet baştutanlary geňeşiniň penşenbe güni Soçide geçirilen mejlisinde geljek üç ýyl üçin GDA-nyň ýaşlar paýtagtlary tassyklandy. 2024-nji ýylda Daşkent (Özbegistan), 2025-nji ýylda Gabala (Azerbaýjan) we 2026-njy ýylda Kapan (Ermenistan) GDA-nyň ýaşlar paýtagty bolar – diýip, Arkalaşygyň Ýetiriji komitetiniň metbugat gullugy habar berýär.
Soçidäki «Sirius» ylym we sungat seýilgähiniň çäginde «Ýewraziýa –biziň öýümiz» sergisi açyldy. Ol, 7-nji iýundan 9-njy iýun aralygynda federal çäklerde geçiriljek Ýewraziýa hökümetara geňeşiniň mejlisine bagyşlanýar. GDA ýurtlarynyň we EAEU-nyň wekilleri ýedi müň inedördül metrden gowrak meýdany eýeleýän sergä baryp gördüler diýip, «Mir 24» habar berýär.
Türkmenistanlylary döredijilikli ykdysadyýete goldaw bermek üçin okamagyň Supporting the Creative Economy onlaýn-maksatnamasyna çagyrýarlar. Bu barada Britan Geňeşi habar berýär.
Türkmenistanda Durnukly ösüşiň maksatlary boýunça statistiki hasabatlylygyň milli platformasy döredildi. Onlaýn-platforma DÖM-na ýetmek boýunça häzirki ýagdaý barada möhüm maglumatlary ýygnamagyň we umumylaşdyrmagyň, milli hasabatlary taýýarlamagyň ýeke-täk merkezidir.
GDA we Ýewraziýa ykdysady birleşmesi ýurtlarynyň hyzmatdaşlygy innowasiýalaryň esasynda gurulmalydyr. Bu barada Russiýanyň premýer-ministri Mihail Mişustin Soçide GDA-nyň we Ýewraziýa ykdysady birleşmesiniň II Ýaşlar forumynyň açylyşynda aýtdy – diýip, TASS habar berýär.
Ýurdumyzyň Içeri işler ministri Muhammet Hydyrow çarşenbe güni Türkmenistanyň Döwlet howpsuzlyk geňeşiniň mejlisinde temmäki önümleriniň, suw çiliminiň guralynyň we şiresiniň, elektron çilimiň bikanun söwdasyna garşy göreş çäreleri barada hasabat berdi.
Özbegistanda onuň Gyzyl kitabynda girizilen haýwanlary bikanun awlamak netijesinde haýwanat dünýäsine ýetirilen zyýanyň mukdary 10 esse artdyrylar. Ösümliklere zyýan ýetirip, ösmegini ýa-da ýok edilmegine jerime mukdary 5 esse artar.
Medeni aňlatmalaryň dürlüligini goramak we öňe sürmek baradaky konwensiýa gatnaşyjylaryň konferensiýasynyň dokuzynjy sessiýasy 6- njy iýunda ÝUNESKO-nyň Pariždaky merkezinde öz işine başlady. Forumda Türkmenistana ilçi we Türkmenistanyň ÝUNESKO-daky hemişelik wekili Maksat Çaryýew wekilçilik edýär.
Prezidentimiz Serdar Berdimuhamedow, wezipe borçlaryny laýyk ýerine ýetirmänligi we işinde goýberen kemçilikleri üçin Döwlet gümrük gullugynyň başlygy Maksat Hudaýgulyýewe berk käýinç berdi.
USAID-iň bilermenleri Birleşen Milletler Guramasynyň Ilat Gaznasynyň (UNFPA) Türkmenistandaky wekilhanasy bilen bilelikde alty aýlyk maşgala maslahat beriş synag meýilnamasyny tamamladylar.
Fransuz dili boýunça olimpiadanyň ýeňijileri 8-nji iýunda Aşgabatda sylaglanar. Baýrak gowşurylyş dabarasy Türkmenistanyň Daşary işler ministrliginiň Halkara gatnaşyklar institutynda bolar.
