Şu gün 25-nji sentýabrda Türkmenistanyñ Döwlet migrasiýa gullugynyñ mejlisler zalynda Türkmenistanyñ raýatlygyna kabul edilen şahslara pasport hem-de ýurduñ çäginde ýaşaýan daşary ýurtly raýatlara Türkmenistanda ýaşamaga ygtyýarnamalary gowşurmak dabarasy geçirildi.
Türkmenistanyň Prezidentiniň Permany bilen Arkadag şäherini 2024 — 2052-nji ýyllarda ösdürmegiň Konsepsiýasy tassyklandy.
Türkmenistanyň başlangyjy bilen BMG-niň Baş Assambleýasynyň Kararnamasynyň esasynda, 2025-nji ýyl Türkmenistanda “Halkara parahatçylyk we ynanyşmak ýyly” diýlip yglan edildi. Degişli karar 24-nji sentýabrda Aşgabatda geçirilen Türkmenistanyň Halk Maslahatynyň mejlisinde kabul edildi.
Türkmenistanyň Prezidentiniň Permany bilen GDA-nyň Tohumçylyk meseleleri boýunça hökümetara utgaşdyryjy geňeşiniň başlygy Iwan Kuzmin iň ýokary tapawutlandyryş derejesini — “Türkmenistanyň Gahrymany” diýen ady dakyldy we “Altyn Aý” altyn nyşany gowşuryldy.
24-nji sentýabrda Ankarada Türkmenistanyň Türkiýedäki ilçihanasy we Ýewraziýa ykdysady gatnaşyklar assosiasiýasy (EkoAvrasya) tarapyndan gurnalan “Türkmenistanyň garaşsyzlygy: halkara hyzmatdaşlygyň ösüşiniň geljegi” atly halkara ylmy-amaly maslahaty geçirildi. Bu çäre, Türkmenistanyň Garaşsyzlygynyň 33 ýyllygynyň bellenilmegine we Türkmenistan Halk Maslahatynyň nobatdaky mejlisine bagyşlandy.
23-nji sentýabrda, duşenbe güni Türkmenistanyñ we Kataryñ Bilim ministrlikleri iktaraplaýyn onlaýn-maslahatyny geçirdiler.
Türkmenistanda Owganystanyň ilçihanasy Owganystanyň wagtlaýyn işleri ynanylan wekili Fazl Mohammad Sabiriň we BMG-niň Merkezi Aziýa üçin Öňüni alyş diplomatiýa boýunça Sebit merkeziniň syýasy geňeşçisi Anderý Lariniň arasynda geçirilen möhüm duşuşyk barada habar berdi.
19-21-nji sentýabr aralygynda TBM-niň orunbasary Azat Ataýewiň ýolbaşçylygyndaky türkmen wekiliýeti HHR-nyň Şanhaý şäherinde geçirilen "Huawei" kompaniýasynyň "Connect-2024" sergisine gatnaşmak bilen onuň çäklerinde «Akylly bilim ulgamy» bölümine baryp gördüler. Ol ýerde ýurdumyzyň bilim işlerini sanlylaşdyrmak üçin öňdebaryjy tehnologiýalary ornaşdyrmagyň mümkinçilikleri ara alnyp maslahatlaşyldy.
Türkmenistanyň Bilim ministriniň orunbasary A.Ataýew "Akyly güýçlendirmek" (Amplify Intelligence) şygary bilen geçýän “Huawei Connect – 2024” halkara forumyň çäklerinde Huawei kompaniýasynyň wise-prezidenti Lýu Guý bilen duşuşdy. Taraplar duşuşykda Türkmenistanda bilim ulgamyna sanly çözgütleri ornaşdyrmak boýunça hyzmatdaşlygy berkitmegiň meselelerini ara alyp maslahatlaşdylar.
20-nji sentýabrda Galmyk Respublikasynyñ (Russiýa Federasiýasy) paýtagty Elista şäherinde beýik şahyr Magtymguly Pyragynyñ doglan gününiñ 300 ýyllygy mynasybetli "Bakylygyň nyşanlary: türkmen we galmyk halklarynyň arasyndaky dostluk-doganlyk köprüsi" atly halkara ylmy-amaly maslahaty geçirildi. Maslahat «Asyrlar boýy halklar bilelikde» atly sebitleýin forumynyñ çäginde geçirildi.
20-nji sentýabrda Pekiniñ Parahatçylyk seýilgähinde Halkara parahatçylyk gününe bagyşlanylyp 11-nji Parahatçylyk festiwaly geçirildi. BMG-niñ başlangyjy bilen 2002-nji ýylyñ 21-nji sentýabryndan başlap her ýyl bellenilýän bu dabara köpsanly gatnaşyjylary ýygnady.
Türkmenistanda Garaşsyzlyk güni mynasybetli jenaýat edendikleri üçin iş kesilen raýatlaryñ 736-nyñ günäsi geçildi. Prezident Serdar Berdimuhamedowyñ Kararyna laýyklykda olar tussag edilen ýerlerinden azatlyga çykarylar.
Minskdäki Türkmenistanyň Adatdan daşary we Doly ygtyýarly Ilçisi Nazarguly Şagulýew 20-nji sentýabrda Belarus döwlet lukmançylyk uniwersitetiniň rektory Sergeý Rubnikowiç bilen duşuşdy.
Türkmen hünärmenleri sebitdäki kärdeşlerine Durnukly ösüş üçin 14-nji Merkezi Aziýa liderlik maksatnamasyna (MALM) goşuldy, bu başlangyç daşky gurşawy goramak meselelerini, esasanam howanyň üýtgemegi we suw dolandyryşy bilen baglanyşykly meseleleri çözmäge gönükdirilendir.
Hytaý 2035-nji ýyla çenli ýurduň 3D kartasyny döretmegi meýilleşdirýär diýip, Tebigy baýlyklar ministriniň orunbasary we ýurduň milli tebigy baýlyklary boýunça baş gözegçisiniň orunbasary Lýu Gohuna sagylanyp, “China Daily” habar berýär.
