2025-nji ýyl Türkmenistanda “Halkara parahatçylyk we ynanyşmak ýyly” diýlip yglan edildi
Türkmenistanyň başlangyjy bilen BMG-niň Baş Assambleýasynyň Kararnamasynyň esasynda, 2025-nji ýyl Türkmenistanda “Halkara parahatçylyk we ynanyşmak ýyly” diýlip yglan edildi. Degişli karar 24-nji sentýabrda Aşgabatda geçirilen Türkmenistanyň Halk Maslahatynyň mejlisinde kabul edildi.
“... Türkmenistan halkara syýasy giňişliginiň ynamdar gatnaşyjysy hökmünde, açyk parahatsöýüjilik, sebit we dünýä derejesinde oňyn daşary syýasatyny durmuşa geçirmek bilen netijeli hyzmatdaşlygy ösdürmek, parahatçylygy we howpsuzlygy pugtalandyrmak boýunça dünýäde möhüm orun eýeleýär...” – diýip, Türkmenistanyň Prezidentiniň Kararynda aýdylýar.
Karara laýyklykda, Türkmenistanyň Mejlisine, Türkmenistanyň Ministrler Kabinetine, ministrliklere we pudaklaýyn edaralara, Türkmenistanyň syýasy partiýalaryna we jemgyýetçlik guramalaryna dabaralaryň we çäreleriň ýokary derejede we guramaçylykda geçirilmegini üpjün etmek, 2025-nji ýylyň “Halkara parahatçylyk we ynanayşmak ýyly” diýlip yglan edilmegi mynasybetli dabaralaryň we çäreleriň geçirilmegi boýunça Döwlet guramaçylyk komitetini döretmek tabşyryldy.
ORIENT news
