Eýran Yslam Respublikasynyň täze Baş konsuly Abdolmajid Kamju ýurdumyzyň Mary şäherinde öz wezipesine girişdi. 5-nji maýda, anna güni eýranly diplomat Türkmenistanyň Daşary işler ministriniň orunbasary Berdinyýaz Mätiýewe öz Konsullyk patentini gowşurdy, ol hem öz gezeginde Kamjuny işe başlamagy bilen gutlady we konsullyk wezipelerini ýerine ýetirmäge rugsat berdi.
Hytaýyň ýeňil elektrik ulaglary JAC E-J7 ýakyn wagtda Arkadag şäherinde hereket edip başlar. Hytaýyň awtoulag öndüriji kompaniýasy JAC Motors, bu modeli 3-4-nji maýda Aşgabatda geçirilen «Halkara ulag-üstaşyr geçelgeleri: özara arabaglanyşyk we ösüş – 2023» sergisinde hödürledi. Ekspozisiýadaky wideoýazgylar «Watan» milli teleýaýlymy tarapyndan görkezilip, ýakyn wagtda bu «ýaşyl» awtoulaglaryň Ahal welaýatynyň dolandyryş merkeziniň şäher köçelerinde peýda boljakdygy aýdylýar.
Ýeňiş güni 78 ýyl bäri her ýyl yzygiderli bellenip geçilýän iň şuglaly, ýyly we biraz gussaly baýramçylyklaryň biridir. “Uruş ýyllarynyň aýdymlary” konsertiniň guramaçylary paýtagtyň ýaşaýjylaryny we myhmanlaryny 6-njy maýda Maýa Kulyýewa adyndaky Türkmen milli konserwatoriýasynyň uly zalynda ýygnanmaga we uruş ýyllarynyň aýdymlaryny we sazlaryny diňlemäge çagyrýar.
3-4-nji maýda Türkmenistanyň Döwlet haryt-çig mal biržasyndaky söwdalaşyklarda jemi bahasy $70 mln amerikan dollaryna deň bolan 22 geleşik baglaşyldy – diýip, ORIENT-iň habarçysy habar berýär.
Jemgyýetçilik guramalarynyň we BMGÖM-nyň Türkmenistandaky wekilleri ABŞ-da galyndylary dolandyrmak babatynda okuw maksatnamasyna gatnaşdylar.
Kataryň daşary işler döwlet ministri Sultan bin Saad Al Muraihi iki ýurduň DIM-niň arasynda syýasy geňeşmeleri geçirmek üçin sapar bilen Türkmenistanda bolýar – diýip, Gulf Times habar berýär.
Türkmen türgenleri Hançžouda (Hytaý) geçen kuraş boýunça Aziýanyň çempionatynda sekiz medal – bir kümüş we ýedi bürünç medal gazandylar. Bu barada ORIENT-e Türkmenistanyň Bedenterbiýe we sport baradaky döwlet komitetinde habar berdiler.
Türkmenistanyň Belgiýadaky ilçisi Sapar Pälwanow iň täze lukmançylyk enjamy bilen tanyşmak üçin Philips kompaniýasynyň innowasion merkezine baryp gördi. Ol ýerde diplomatik wekilhananyň baştutany kompaniýanyň wise-prezidenti Ýan-Will Şeýgrond bilen gepleşikleri geçirdi.
Bütindünýä saglygy goraýyş guramasynyň bilermenleri COVID-19 bilen baglanyşykly bütindünýä adatdan daşary ýagdaýynyň bes edilme mümkinçiliklerine garaýarlar.
Dürli derejelerdäki 22 medaly Türkmenistanyň türgenleri Ýerewanda geçen «Araratyň Kubogy-2023» atly däp bolup gelýän karate boýunça halkara ýaryşynda gazandylar.
Türkmenistanyň Ukrainadaky ilçisi Toýly Ataýew Kiýewiň Swýatoşin raýonynyň dolandyryşynyň baştutany Sergeý Pawlowskiý bilen gepleşikleri geçirdi, onuň bilen ikitaraplaýyn medeni-ynsanperwer hyzmatdaşlygyň meseleleri ara alnyp maslahatlaşyldy.
Gazagystanyň Parlamentiniň Aşaky palatasynyň deputatlary GDA döwletleriniň galp haryt nyşanlaryny we geografiki görkezijileri ulanmagynyň öňüni almak we oňa garşy göreşmek boýunça hyzmatdaşlyk etmek baradaky Ylalaşygyny tassykladylar.
Üç türkmen boksçysy Daşkentde geçýän dünýä çempionatynda ilkinji ýeňişlerini gazandylar, şeýlelik bilen olar ýaryşyň indiki tapgyrynda çykyş etmäge mümkinçilik aldylar.
Ýewropa Birleşiginiň iki maksatnamasynyň — Merkezi Aziýada serhetleriň dolandyrlmagyna ýardam etmek Maksatnamasynyň (BOMKA) we Merkezi Aziýada neşe serişdeleriniň ýaýradylmagynyň öňüni almak Maksatnamasynyň (CADAP) 30 ýyllygyna bagyşlanyp badalga berlen «Dostlugyň çägi ýokdur» atly çagalaryň surat bäsleşiginiň ýeňijilerini sylaglamak dabarasy boldy.
Türkmenistanyň Senagatçylar we telekeçiler birleşmesiniň agzalarynyň düzümdäki işewürler wekiliýeti Rumyniýanyň hususy toparlarynyň wekilleri bilen birnäçe duşuşyklary geçirdi – diýip, Buharestdäki türkmen diplomatik wekilhanasy habar berýär. Duşuşygyň esasy maksady – türkmen-rumyn ykdysady hyzmatdaşlygyny işjeňleşdirmekdir.
