Türkmen karateçileri Ermenistanda geçen halkara ýaryşda 22 medal gazandylar

Maý 05, 2023 | 15:53 |7433

Dürli derejelerdäki 22 medaly Türkmenistanyň türgenleri Ýerewanda geçen «Araratyň Kubogy-2023» atly däp bolup gelýän karate boýunça halkara ýaryşynda gazandylar.

Bedenterbiýe we sport baradaky döwlet komitetinde ORIENT-e habar berişleri ýaly, Türkmenistandan baran karateçiler 10 altyn, 4 kümüş we 8 bürünç medala mynasyp boldular.

Ermenistandaky ýaryş Ermenistandan, Gruziýadan, Ysraýyldan, Italiýadan, Kiprden, Russiýadan we Türkmenistandan üç ýüze golaý karateçini ýygnady, olar dürli ýaş derejelerinde baýraklar ugrunda göreşdiler.

ORIENT habarlar