Türkmenistan tarapyndan başlangyç berlen BMG-niň Baş Assambleýasynyň gün tertibiniň 61-nji bendi boýunça «Merkezi Aziýanyň parahatçylyk, ynam we hyzmatdaşlyk zolagy» çekişmeleriniň konsepsiýasy Baş assambleýanyň 77-nji sessiýasynyň resminamasy hökmünde Guramanyň alty resmi dilinde çap edildi. Bu barada Türkmenistanyň BMG-niň ýanyndaky hemişelik wekilhanasynyň saýtynda habar berilýär.
Türkmenistanyň Russiýadaky ilçisi Batyr Nyýazlyýew Argentinadan kärdeşi Eduardo Antonio Zuaýn bilen iki ýurduň arasyndaky syýasy-diplomatik dialogy işjeňleşdirmegiň meselelerini ara alyp maslahatlaşmak üçin duşuşdy – diýip, Türkmenistanyň RF-daky diplomatik wekilhanasy habar berýär.
Türkmen hünärmenleri «Russiýanyň demir ýollarynyň» (РЖД) Korporatiw uniwersitetinde okuw geçerler – diýip, TASS habar berýär.
Halkara futbol federasiýasynyň (FIFA) prezidenti Janni Infantino döwlet ähmiýetli Arkadag şäherinde FIFA-nyň okuw-usulyýet merkeziniň döredilmeginiň maksadalaýyk boljakdygy barada aýtdy.
TÜRKSOÝ guramasynyň 30 ýyllygyna bagyşlanan «Türk dünýäsi ýetginjek suratkeşleriň gözi bilen» atly halkara bäsleşiginiň ýeňijileri belli boldy.
Tatarystanyň raisi Rustam Minnihanow karara gol çekdi, oňa gol çekmek bilen respublikanyň ýerine ýetiriji häkimiýetiniň ulgamyna we gurluşyna üýtgetmeleri girizdi. Degişli resminama hukuk maglumatynyň portalynda çap edilendir.
Merkezi Aziýa futbol birleşmesiniň prezidenti Rustam Emomali Duşenbede CAFA-nyň 8-nji kongresinde eden çykyşynda 2031-nji ýa-da 2035-nji ýylda Aziýanyň Kubogynyň final bölegini geçirmäge bilelikdäki ýüz tutmany tabşyrmaga taýýardygyny bildirdi – diýip, Täjigistanyň Futbol federasiýasynyň resmi saýty habar berýär.
Türkmenistanyň Prezidentiniň ulag diplomatiýasyny ösdürmegiň 2022 — 2025-nji ýyllar üçin Maksatnamasy Ýol-ulag kodeksiniň işlenip taýýarlanmagyny, pudaga Ähliumumy üstaşyr resminamasy ýaly sanly çözgütleriň ornaşdyrylmagyny, ulag infrastrukturasyny döwrebaplaşdyrmagy we giňeltmegi göz öňünde tutýar.
Türkmenistan amatly geografiki ýerleşişi sebäpli, sebit we kontinental ähmiýetli ulag we üstaşyr merkez hökmünde bellidir. Bilermenleriň köpüsiniň pikiriçe, häzirki wagtda Aziýa bilen Ýewropanyň arasyndaky söwdanyň iň ösen bazaryna öwrüler, bu bolsa serhetaşa ýük akymyny döredip biljek ýurtlar üçin örän amatly we bähbitli bolar – diýip, MTS halkara ulag-logistika kompaniýasynyň (Gamburg, GFR) ýolbaşçysy Azgarhil Mangal Aşgabatda geçirilen ITTC – 2023 maslahatynda aýtdy.
Häzirki zaman durmuş-ykdysady giňişligini innowasiýa tehnologiýalary bolmazdan göz öňüne getirmek mümkin däl, munuň netijesinde ýurduň durnukly ösüşiniň täze milli modeli emele gelýär. Ýurdumyzda iň uly ylmy, tehniki we intellektual gorlara eýe bolan Türkmenistanyň Ylymlar akademiýasynyň Tehnologiýalar merkezi Türkmenistanda täze pikirleri durmuşa geçiriji bolup durýar – diýip, Tehnologiýalar merkeziň direktory, himiýa ylymlarynyň doktory Durdymyrat Gadamow Aşgabatdaky ITTC - 2023 ulag maslahatynda eden çykyşynda aýtdy.
Merkezi Aziýa we Günorta Kawkaz ýurtlary Ýewraziýa sebitindäki ulag we östaşyr geçelgelerinde möhüm orun tutýarlar. Bu nukdaýnazardan, bu döwletleriň gatnaşmagynda multimodal ulag ugurlaryna ägirt uly ýer berilýär diýip, ADY Container MMC-iň baş müdiri Natik Jafarow Aşgabatdaky ulag we üstaşyr geçelgeleri baradaky halkara konferensiýada çykyşyna başlady.
Türkmenistanyň Medeniýet ministrligi Kärdeşler arkalaşygynyň Milli merkezi we Türkmenistanyň Telewideniýe, radiogepleşikler we kinomatografiýa baradaky döwlet komiteti bilen bilelikde medeniýet işgärleriniň, ýazyjylaryň we şahyrlaryň gatnaşmagynda uly kitap sergisini gurady – diýip, «Türkmenistan» gazeti habar berýär.
«Ekodurmuş» jemgyýetçilik guramasy BMG-niň Ösüş Maksatnamasynyň goldaw bermeginde Daşoguz welaýatynyň ýaşlary üçin olary netijeli bagbançylygy ösdürmäge işe çekmek boýunça okuwlary geçirdi.
Saglygy goraýyş we derman senagaty ministrligi bilen BSGG-nyň Ýewropa sebitleýin býurosy bilen ylalaşygyň ýerine ýetirilmeginiň çäklerinde Türkmenistana guramanyň wagtlaýyn maslahatçysy Natalýa Kostik iş sapary bilen geldi.
Koreýanyň deňiz enjamy birleşmesi (KOMEA) «Demirgazyk-Günorta» halkara ulag geçelgesini ösdürmek boýunça Türkmenistanyň tehnologik hyzmatdaşy bolmaga taýýardyr. Bu baradaky maglumaty birleşmäniň wekili «Halkara ulag-üstaşyr geçelgeleri: özara arabaglanyşyk we ösüş- 2023» maslahatynda aýtdy.
