Türkmenistan milli tennis toparynyň tälimçiler topary, 5-nji iýundan 9-njy iýuna çenli Aşgabatda geçiriljek 12 ýaşa çenli oglan we gyzlaryň arasynda Merkezi Aziýanyň çempionaty üçin milli toparyň jemleýji düzümini yglan etdi.
Şenbe güni Türkiýäniň Prezidenti Rejep Taýyp Ärdogan Jewdet Ýylmazy respublikanyň wise-prezidenti wezipesine belledi. Ozal Ýylmaz prezidentiň ýolbaşçylyk edýän Adalat we ösüş partiýasynyň başlygynyň orunbasary bolup işledi. Wise-prezident wezipesi ilkinji gezek 2018-nji ýylda Türkiýede hökümet görnüşiniň üýtgemeginden soň ýüze çykdy we bu wezipäni ilkinji bolup Fuat Oktaý eýeledi.
Şenbe güni Türkmenistanyň Pakistandaky ilçihanasy Yslamabatda dürli gatlakdaky adamlary işjeň durmuş ýörelgesini we ekologiýa taýdan arassa çemeleşmeleri wagyz etmek arkaly welosiped sürmäge has köp üns bermäge höweslendirmek üçin uly ýaryş gurady.
Bütindünýä welosiped gününi bellemek 2-nji iýunda BMG-nyň Nýu-Ýorkdaky baş edarasynda geçirildi. Bu çäre, Bahreýniň, Ekwador, Hindistan, Indoneziýa, Latwiýa, Lihtenşteýn, Polşa we Rumyniýanyň hemişelik wekilhanalary bilen bilelikde BMG-de Türkmenistanyň hemişelik wekilhanasy tarapyndan gurnaldy.
Prezident Serdar Berdimuhamedow Bütindünýä welosiped güni mynasybetli Aşgabatda şenbe güni geçirilen köpçülikleýin welosipedli ýörişe gatnaşdy. Däp bolşy ýaly, şol gün türkmenistanlylaryň müňlerçesi welosipedli ýörişe gatnaşdylar, baýramçylyk çäreleri paýtagtda bolşy ýaly, ýurduň sebitlerinde-de geçirildi.
Bütindünýä welosiped gününe bagyşlanan welosipelid ýöriş şenbe güni Türkmenistanyň Belarus Respublikasyndaky ilçihanasy tarapyndan gurnaldy. Diplomatlar Minsk şäheriniň ýokary okuw mekdeplerinde okaýan türkmen talyplaryny hem bu çärä gatnaşmaga çagyrdylar.
Türkmenistanyň Belgiýadaky ilçihanasy Bütindünýä welosiped gününi bellemegiň çäginde dostlukly bäsleşik görnüşinde welosiped sürüşini gurady. Bu çärä dürli nesilleriň onlarçasy gatnaşdy.
Türkiýäniň Prezidenti Rejep Taýyp Ärdogan şenbe güni Ankaranyň mejlisinde geçirilen dabarada üçünji bäş ýyllyk prezidentlik möhletine kasam kabul etdi.
Adaty bolmadyk açyk asmanyň aşagynda häzirki zaman sungat sergisiniň ikinji bölümi Malewiç seýilgähinde görkezildi. Özboluşly «muzeý» 2020-nji ýylyň ahyrynda, Moskwadan 25 km uzaklykda, Razdory obasynda döredildi. Bu ýer rus awangardçysy Kazimir Malewiçiň ady berildi we seýilgähdäki sungat eserleri suprematizme we suratkeşiň döredijiligine degişlidir diýip, RIA Nowosti habar berýär.
Wise-premýer Annageldi Ýazmyradow anna güni Ministrler Kabinetiniň mejlisinde Türkmenistanda Bütindünýä daşky gurşaw gününe bagyşlanan iki halkara forumyň geçiriljekdigini habar berdi.
Rejep Taýyp Ärdoganyň inaugurasiýa (kasam kabul ediş) dabarasy we ministrler kabinetiniň täze düzüminiň yglan edilmegi 3-nji iýunda, şenbe güni Ankaradaky Prezident toplumynda geçiriler. Dabara daşary ýurt döwlet we hökümet baştutanlarynyň onlarçasy, 70-den gowrak ýurtlardan resmi wekiliýetler we ýokary derejeli myhmanlar, şeýle hem halkara guramalarynyň wekilleri gatnaşarlar – diýip, Anadolu agentligi Türkiýäniň prezident administrasiýasynyň aragatnaşyk bölüminiň ýolbaşçysy Fahrettin Altunyň sözlerine salgylanmak bilen habar berýär.
Amerikanyň Birleşen Ştatlarynda okamak isleýänler üçin ajaýyp mümkinçilik döredi. 9-njy we 16-njy iýunda Aşgabatda bilim boýunça kiçi-ýarmarka geçiriler, onuň çäklerinde Amerikanyň ýokary okuw mekdepleriniň wekilleri türkmenistanlylary ummanyň aňyrsyndaky bilim ulgamy, ýüz tutmalary tabşyrmagyň tertibi, şeýle hem daşary ýurtly dalaşgärler üçin stipendiýalar bilen tanyşdyrarlar.
Türkmenistanda 24-nji iýundan 29-njy iýun aralygynda Azerbaýjandan, Gazagystandan, Türkiýeden we Özbegistandan gelen wekilleriň, şeýle hem Türki medeniýetiň halkara guramasynyň (TÜRKSOÝ) ýolbaşçylarynyň we onuň Sekretariatynyň gatnaşmagynda Türki döwletleriň Medeniýet hepdeligi geçiriler.
Aralyň ýakasynda ekologiki ýagdaýy gowulandyrmak maksady bilen Milli tokaý maksatnamasyny ýerine ýetirmeginiň çäklerinde Daşoguz we Lebap welaýatlarynda täze tokaý goraýyş zolaklaryny dörederler – diýip, wise-premýer Annageldi Ýazmyradow anna güni bolan Türkmenistanyň Ministrler Kabinetiniň mejlisinde aýtdy – diýip, TDH habar berýär.
Çagalary goramagyň halkara gününe bagyşlanyp Türkmenistanyň Ministrler Kabinetiniň ýanyndaky Ulag we kommunikasiýalar agentliginiň «Türkmenaragatnaşyk» agentligi, «Altyn Asyr» ÝGPJ, Türkmenistanyň Zenanlar birleşigi we ýurduň Kärdeşler arkalaşygynyň Merkezi geňeşi bilen bilelikde maslahat gurady.
