Google öz alyp barýan işinde ekologiýa abadançylygyna möhüm üns berýär, Ýer şarynyň geljegi barada alada edýär. Kompaniýa müşderilerine daşky gurşawa ýetirýän ýaramaz täsirlerini azaltmaga kömek bermek üçin, öz hyzmatlarynda emeli intellekti ulanýar.
Günorta Koreýanyň LG kompaniýasy LG Signature OLED M. kysymly sim geçirijisiz telewizory öndürmäge başlady. Bu barada öndürijiniň saýtynda habar berilýär.
Ýakyn wagtda Özbegistanyň şepagat uýalary akademiýasynda Türkiýäniň lukmançylyk ylymlary uniwersitetiniň «şepagat uýasy işi» fakulteti açylar. Türk lukmançylyk uniwersitetiniň şahamçasyny döretmek baradaky karar Rejep Taýyp Erdogan tarapyndan tassyklandy diýip, Podrobno.uz habar berýär.
Türkmenistan, Täjigistan we Özbegistan nebitgaz we ýangyç-energetika pudaklarynda özara hyzmatdaşlygy ösdürmekligi ylalaşdylar. Bu barada şu gün – 4-nji awgustda Aşgabat şäherinde geçirilen üç döwletiň Baştutanlarynyň sammitinde kabul edilen bilelikdäki beýannamada bellenýär.
Meşhur smartfon modeliniň indiki nesli “iPhone 15” düýpli özgertmeleri özünde jemlär. Bu özgertmeler ilkinji nobatda, programma düwmesini, ulaldylan ekrany, güýçlendirilen kamerany we prosessory özünde jemlär. “Bloomberg” habarlar agentliginiň mälim etmegine görä, “Apple” kompaniýasynyň täze smartfony şu ýylyň sentýabr aýynda tanyşdyrylar.
Türkmenistanyň, Täjigistanyň we Özbegistanyň Prezidentleri şu gün, 4-nji awgustda Aşgabatda geçirilen üçtaraplaýyn sammitiň giňişleýin gün tertibiniň çäginde suw serişdeleri we howa pudagyndaky hyzmatdaşlygy ara alyp maslahatlaşdylar.
Türkmenistanyň Prezidenti Serdar Berdimuhamedowyň we Özbegistanyň Prezidenti Şawkat Mirziýoýewiň arasynda geçirilen duşuşykda, “Daşoguz – Şawat” serhetýaka söwda zolagynyň gurluşygyny çaltlandyrmak meseleleri ara alnyp maslahatlaşyldy. Bu barada Özbegistanyň Prezidentiň Metbugat gullugy habar berýär.
Hytaýyň kiber giňişlik meseleleri boýunça müdirligi, kämillik ýaşyna ýetmedikleriň onlaýn goragyny netijeli güýçlendirmek üçin, olaryň ykjam enjamlary we interneti ulanmagynyň täze düzgünleriniň ara alyp maslahatlaşylmagy we düşündirişleri üçin taslamasyny hödürledi.
Astanada, 3-nji awgustda Gazagystan-owgan işewür forumynda 190,8 million dollarlyk eksport şertnamalaryna gol çekildi. Duşuşygyň netijesinde oba hojalyk önümleri, un we ösümlik ýagy bilen üpjün etmek üçin 15 şertnama, şeýle hem Milli ýag ösümliklerini gaýtadan işleýän birleşigi (Gazagystan) bilen Balh ýag söwdagärleri birleşiginiň (Owganystan) arasynda hyzmatdaşlyk Ähtnamasyna gol çekildi. Iň köp resminama (9 şertnama) ýag üpjünçiligine degişlidir.
Gazagystanly syýahatçy, 73 ýaşyndaky Sarsenbaý Kotyraşow 2-nji awgustda iki ýyl dowam etjek dünýä syýahatyna ugrady. Dogduk mekany Atyraua 2025-nji ýylyň awgust aýynda dolanmagy meýilleşdirýär diýip, Kazinform habar berýär.
Aşgabatda ýaşlaryň başarnyklaryny ösdürmek – 2023 tomusky maksatnamasy tamamlandy. Üç hepdelik okuw «Türkmenistanyň Ykdysadyýetçiler Bileleşigi» Milli Jemgyýetçilik birleşmesi we ABŞ-nyň Halkara Ösüş Agentliginiň (USAID) häzirki zaman hünär endiklerini ösdürmek baradaky taslamasy tarapyndan gurnaldy.
Abu-Dabiniň milli nebit kompaniýasy (ADNOC) dünýäde ilkinjileriň biri bolup, dekarbonizasiýa (uglerod zyňyndylaryny aradan aýyrmak) boýunça meýilnamany durmuşa geçirmegi çaltlandyryp, ony 5 ýyllyk gysgaltdy. Birleşen Arap Emirlikleriniň bu iri kompaniýasy 2045-nji ýyla çenli uglerod zyňyndysyz önümçilige eýe bolmagy, şeýle hem 2030-njy ýyla çenli metan zyňyndysyny aradan aýyrmagy maksat edinýär.
Belarus Respublikasynyň teleradiokompaniýasynyň wekilleri Türkmenistanyň Garaşsyzlygyna bagyşlanyp Aşgabatda geçiriljek mediaforuma çagyryldy. Bu çakylyk ýurdumyzyň Minskdäki diplomatik wekilhanasynda Türkmenistanyň Telewideniýe, radiogepleşikler we kinemotografiýa baradaky döwlet komitetiniň wekilleriniň belarus kärdeşleri bilen bolan duşuşygynyň barşynda beýan edildi.
Giriş synaglaryny tabşyrmak maksady bilen Aşgabada gelýän dalaşgärleriň sanynyň köp bolmagy bilen baglylykda, “Türkmenhowaýollary” welaýatlardan paýtagtymyza goşmaça howa gatnawlaryny gurar. Bu barada ORIENT-e “Türkmenhowaýollary” agentliginden habar berildi.
Ýurdumyzda böwürsleniň köpçülikleýin ýetişýän döwri başlandy. Bu ösümlik maý aýynda güllemäge başlaýar we şu pursatdan başlap tä ýetişýänçä reňkini üýtgedip durýar. Ýurdumyzda bu ir-iýmiş dag çeşmeleriniň we beýleki suw howdanlarynyň bar ýerine giňden ýaýrandyr diýip «Neýtralnyý Türkmenistan» gazeti habar berýär.
