"The New York Times" neşiri 5 çeper we ýene 5 sany ylmy-köpçülik - jemi iň gowy 10 kitabyň sanawyny düzdi. Neşiriň uzak wagtlap dowam eden çekişmelerinden soň, bu kitaplar şu ýylyň iň gowy eserleri diýlip yglan edildi.
Sişenbe güni, 5-nji dekabrda Türkmenistanyň Daşary işler ministri Raşid Meredow bilen Russiýa Federasiýasynyň Federasiýa Geňeşiniň Halkara gatnaşyklar boýunça Komitetiniň Başlygy Grigoriý Karasiniň arasynda duşuşyk geçirildi.
Türkiýäniň wise-prezidenti Jewdet Ýylmaz Aşgabatda geçirilen Türkmen-türk işewürlik forumynda iki ýurduň arasyndaky söwda dolanyşygynyň möçberiniň 2022-nji ýylda 2 milliard dollardan geçendigini, şu ýylyň 11 aýynda bolsa, 2,5 milliard dollara ýetendigini we ýylyň ahyryna çenli bu görkezijiniň 3 milliard dollara ýetirilmegine garaşylýandygyny aýtdy.
Aşgabatda Türkiýe Respublikasynyň eksport harytlarynyň sergisi açyldy. Ol Türkmenistanyň Söwda senagat edarasy we Meridýen Uluslararası Fuarcılık» türk kompaniýasy tarapyndan guraldy.
Yslam Ösüş banky tarapyndan ýurdumyzyň aragatnaşyk ulgamyny ösdürmek maksady bilen goýberilen ýeňillikli karzy özleşdirmek arkaly durmuşa geçirilýän birnäçe taslamalaryň çäklerinde Aşgabat şäheriniň telekommunikasiýa infrastrukturasyny düýpgöter özgertmek, iň bir häzirki zaman aragatnaşyk hyzmatlaryny üpjün etmeklige ukyply tehnologiýalary gurnamak işleri hem alnyp barylýar.
Birleşen Milletler Guramasy 2024-nji ýyly – Düýeleriň halkara ýyly diýip yglan etdi. Bu barada BMG-niň Azyk we oba hojalyk meseleleri guramasyna salgylanyp, “Azertag” habarlar agentligi mälim edýär.
Döwletmämmet Azady adyndaky Türkmen milli dünýä dilleri instituty Türkmenistanyň orta we ýöriteleşdirilen mekdepleriniň okuwçylarynyň arasynda hytaý dili boýunça ilkinji olimpiadany geçirdi.
Türkmenistanyň Prezidenti Serdar Berdimuhamedow Türkiýäniň eksport harytlarynyň sergisine gatnaşyjylara gutlag hatyny iberdi. Bu sergi şu gün Aşgabatda Türkmenistanyň Söwda-senagat edarasynda açylýar.
Türkmenistanyň Prezidenti Serdar Berdimuhamedowyň tabşyrygy boýunça Mejlisiň Başlygy D.Gulmanowa Benin Respublikasynyň Türkmenistandaky Adatdan daşary we Doly ygtyýarly ilçisi Akambi Andre Okunlola-Biauwdan ynanç hatyny kabul etdi.
5-nji dekabrda, Sişende güni Döwlet haryt-çig mal biržasynyň söwdalarynda dokma senagatynyň önümleri we elde dokalan halylar ýerlenildi.
Hytaýyň we daşary ýurt telekom kompaniýalarynyň we smartfon öndürijileriniň birnäçesi şu ýyl Hytaýda 6G aragatnaşyk ulgamyny tehniki taýdan synagdan geçirmek işine gatnaşdylar. Bu barada “China daily” neşiri habar berýär.
Ýaponiýaly inženerler bir süýümli optiki geçirijiden maglumat geçirmekde täze iň ýokary görkezijini gazandylar. Onuň tizligi sekuntda 22,9 petabite ýa-da 22,9 million gigabite deňdir.
Russiýa Federasiýasynyň Türkmenistandaky ilçihanasynyň Bilim, ylym we medeniýet bölüminde (Rus öýi) 8-nji dekabrda, sagat 18:30-da “Sergeý Rahmaninow: “Men – rus kompozitory” atly serginiň açylyşy guralar.
ÝUNESKO-nyň maddy däl medeni mirasy goramak boýunça Hökümetara komitetiniň 18-nji mejlisinde, Botswananyň Kasane şäherinde sişenbe güni, 5-nji dekabrda Akhalteke atçylyk sungatyny we atlary bezemek däplerini ÝUNESKO-nyň maddy däl medeni mirasynyň Reprezentatiw sanawynda hasaba almak barada gutarnykly karar berildi.
Türkmenistanyň Prezidenti Serdar Berdimhamedow Gyrgyz Respublikasynyň Baştutanyny Sadyr Žaparowy doglan güni bilen gutlady. Bu barada Döwlet habarlar agentligi mälim edýär.
