Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň maşgalasy – Ogulgerek Berdimuhamedowa 10-njy fewralda geçirilen telefon arkaly söhbetdeşligiň dowamynda Türkiýe Republikasynyň prezidentiniň maşgalasy Emine Ärdogana tebigy betbagtçylyk zerarly ejir çeken doganlyk türk halkyna çuňňur gynanjyny hem-de duýgudaşlygny beýan etdi.
Türkmenistanyň Halk Maslahatynyň Başlygy Gurbanguly Berdimuhamedow howandarlyga mätäç çagalary goldamak üçin döredilen Haýyr-sahabat gaznasynyň serişdelerinden Türkiýä kömek etmek başlangyjy bilen çykyş etdi. Bu barada türkmen hökümetiniň anna güni geçirilen mejlisinde habar berildi. Bu kömegiň türkmen zenanlarynyň adyndan hem edilýändigi bellenildi.
Türkmen halkynyň Milli Lideri, Türkmenistanyň Halk maslahatynyň başlygy Gurbanguly Berdimuhamedowyň başyny başlan we häzirki döwürde Hormatly Prezidentimiziň tagallasy bilen üstünlikli dowam etdirilýän asylly işler ýurdumyzda paýhasly pederlerimiziň döreden dünýä nusgalyk ýagşy dessurlarynyň mynasyp derejede amala aşyrylýandygyny görkezýär.
10-njy fewralda Türkmen halkynyň Milli Lideriniň, Türkmenistanyň Halk Maslahatynyň Başlygynyň, Gahryman Arkadagymyz Gurbanguly Berdimuhamedowyň maşgalasy, Arkadagly Serdarymyzyň ejesi Ogulgerek Berdimuhamedowa Türkiýe Respublikasynyň Prezidentiniň maşgalasy Emine Ärdogan bilen geçiren telefon arkaly söhbetdeşliginde köpsanly adam pidalaryna we weýrançylyklara getiren güýçli ýertitreme zerarly ejir çeken doganlyk türk halkyna çuňňur gynanjyny we medet beriji sözlerini beýan etdi.
Türkmen halkynyň Milli Lideriniň, Türkmenistanyň Halk Maslahatynyň Başlygy Gurbanguly Berdimuhamedowa Täjigistan Respublikasynyň Majlisi Milli Majlisi Oliniň Başlygy Rustami Emomaliden gutlag haty gelip gowuşdy.
Hormatly Prezidentimiz Serdar Berdimuhamedow 2022-nji ýylda ýurdumyzda iň gowy diýlip yglan edilen Magtymguly etrabynyň ähli ilatyna gutlag hatyny iberdi.
Şu gün hormatly Prezidentimiz Serdar Berdimuhamedow Ministrler Kabinetiniň giňişleýin mejlisini geçirdi. Onda 2022-nji ýylda ýurdumyzyň ykdysadyýetini ösdürmek boýunça alnyp barlan işleriň jemleri jemlenildi. Wise-premýerleriň, aýry-aýry ministrlikleriň ýolbaşçylarynyň hem-de welaýatlaryň we Aşgabat şäheriniň häkimleriniň hasabatlary diňlenildi. Şeýle hem ýolbaşçylary wezipä bellemek we wezipeden boşatmak meselelerine seredildi we ýurdumyzy durmuş-ykdysady taýdan ösdürmek boýunça şu ýyl öňde durýan wezipeler kesgitlenildi.
Özbegistanda beýik şahyr we alym Zahyretdin Muhammet Babyryň 540-ýyllygyny giňden belläp geçerler. Bu baradaky karar ýurduň prezidenti Şawkat Mirziýoýew tarapyndan gol çekildi – diýip, «Ýangi Uzebkiston» habar berýär.
Türkmenistanyň Medeniýet ministrliginiň çeperçilik sergileri dolandyryş Direksiýasynyň sergiler merkezinde türkmen suratkeşleri Rahman we Dilbar Umarowlaryň «Sazlaşyk» ady bilen geçirilýän sergisi açyldy – diýip, «Neýtralnyý Turkmenistan» gazeti habar berýär.
Daşoguzda halkara howa menziline eltýän magistralyň ugrunda ýurduň demirgazyk welaýatyndaky iň uly ýaşaýyş jaý toplumynyň gurluşygyna başladylar –diýip, «Neýtralnyý Turkmenistan» gazeti habar berýär.
Belorussiýanyň prezidenti Aleksandr Lukaşenko Belorussiýanyň ŞHG-na agza bolmak üçin borçnamalary baradaky ähtnamanyň taslamasyny tassyklaýan karara gol çekdi. Bu barada döwlet baştutanynyň metbugat gullugyna salgylanyp, BelTA habar berýär.
Russiýa elektromobilleriň öndürilişini ýylda 18 müň ulaga çenli artdyrmagy meýilleşdirýär, bu bolsa 2022-nji ýyl bilen deňeşdireniňde 9 esse köpdür. Bu hakdaRF-nyň hökümetiniň başlygynyň birinji orunbasary Andreý Belousow elektroulag boýunça strategiki sessiýanyň netijeleriniň esasynda gürrüň berdi – diýip, Lenta.ru habar berýär.
Argentinaly futbolçy Lionel Messi özüniň haýyr-sahawat gaznasyndan €3,5 mlrd ýewrony Türkiýedäki we Siriýadaky ýer titremelerinde ejir çekenlere kömek hökmünde bölüp berdi. Bu barada TiranaPost habar berýär.
Türkmen ilçisi Atajan Möwlamow we Yslam hyzmatdaşlygy guramasynyň ylmy-tehniki hyzmatdaşlyk boýunça ministrler derejesindäki hemişelik komitetiň (COMSTECH) baş utgaşdyryjysy Muhammad Çoudari ylym, bilim we medeniýet ulgamlarynda Türkmenistan bilen Pakistanyň arasyndaky hyzmatdaşlygy giňeltmegiň mümkinçiligini ara alyp maslahatlaşdylar. Duşuşyk COMSTECH-iň Sekretariatynda geçirildi diýlip, türkmen DIM-niň saýtynda ýerleşdirilen habarda aýdylýar.
Russiýa Gyrgyzystanda, Özbegistanda we Täjigistanda RF-na göçmek isleýän raýatlar üçin migrasiýadanozalky taýýarlyk merkezlerini açar. Bu barada RF-nyň DIM-niň GDA ýurtlary departamentiniň direktory Aleksandr Sternik RIA Nowosti üçin beren söhbetdeşliginde aýtdy.
