Ýurdumyza Birleşen Milletler Guramasynyň Ştab kwartirasyndan hoş habar gelip gowuşdy. 2022-nji ýylyň 10-njy dekabrynda Aşgabatda geçirilen Parahatçylygyň, howpsuzlygyň we durnukly ösüşiň bähbidine Bitaraplygyň dostlarynyň toparynyň ýokary derejedäki duşuşygynyň Jemleýji Jarnamasy 2023-nji ýylyň 1-nji martynda BMG-niň Baş Assambleýasynyň 77-nji sessiýasynyň resminamasy hökmünde çap edildi.
Şu gün paýtagtymyzda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň gatnaşmagynda ýakyn ýyllarda ýurdumyzyň saglygy goraýyş ulgamynyň köpugurly düzüminiň üstüni ýetirjek döwrebap lukmançylyk desgalarynyň birbada üçüsiniň düýbüni tutmak dabaralary boldy.
«KAMAZ», şäherara awtobusyň we awtoulagyň tebigy gaz bilen işleýän ýoldan çykýan modellerini «Gazprom» üçin işläp taýýarlar. Şeýle meýilnamalar iki kompaniýanyň arasynda täze hyzmatdaşlyk şertnamasy bilen göz öňünde tutldy, – diýip «Gazprom» -yň metbugat gullugy habar berdi.
Çarşenbe güni Şweýsariýanyň Ženewa şäherine sapar edýän Türkmenistanyň Döwlet daşary ykdysady iş bankynyň başlygy Rahymberdi Jepbarowyň ýolbaşçylygyndaky Türkmenistanyň wekiliýeti Bütindünýä söwda guramasynyň baş müdiri Ngozi Okonjo-Iweala we onuň orunbasary Sýançen Çžan bilen gepleşik geçirdi.
Çarşenbe güni geçirilen duşuşygyň barşynda Türkmenistanyň Daşary işler ministriniň orunbasary Mähri Bäşimowa we BMG-niň Ilat Gaznasynyň (UNFPA) Türkmenistandaky wekilhanasynyň müdiri Olaf Ronni Lindstrom hyzmatdaşlygyň ileri tutulýan ugurlary boýunça pikir alyşdylar.
Çarşenbe güni Bakuwda Azerbaýjan, Gruziýa, Gazagystan, Gyrgyzystan, Özbegistan, Türkmenistan, Täjigistan we Türkiýäniň gümrük gulluklarynyň ýolbaşçylarynyň köptaraplaýyn mejlisi geçirildi. Gatnaşyjy ýurtlaryň edaralarynyň hünärmenleriniň duşuşygyň öňüsyrasynda ara alnyp maslahatlaşylan mowzuk Trans-Hazar halkara Gündogar-Günbatar orta koridorynyň ugry boýunça «bir penjire» ýörelgesinde üstaşyr gümrük düzgünini ýönekeýleşdirmek baradaky taslama boldy.
Halkara budda konfederasiýasynyň baş direktory Abhijit Galder budda däp-dessurlarynyň has irki yzlarynyň Merkezi Aziýanyň çäklerinde ýüze çykarylandygyny boýun aldy – diýip, ŞHG-nyň «Umumy budda mirasy» maslahatynyň jemleri boýunça Ani news habar berýär.
Sişenbe güni, 14-nji martda Türkmenistanyň Döwlet haryt-çig mal biržasyndaky söwdalaşyklarda jemi bahasy $682,7 müň amerikan dollaryna deň bolan 2 geleşik baglaşyldy – diýip, ORIENT-iň habarçysy habar berýär.
Türkmenistan we Keniýa Respublikasy diplomatik gatnaşyklary ýola goýdular – diýip, Türkmenistanyň BMG-niň ýanyndaky Hemişelik wekilhanasynyň metbugat gullugy habar berýär.
Aşgabatda Türkmen-Tatarystan biznes-forumy açyldy. Işewürlik çäresi «Ýyldyz» myhmanhanasynyňmaslahatlar zalynda geçýär. Duşuşygyň esasy ünsi Türkmenistanyň we Tatarystan Respublikasynyň söwda-ykdysady we maýa goýum mümkinçiliklerine,senagat, energetika, oba hojalygy we ulag pudagyndaky hyzmatdaşlyga gönükdirilendir.
«Asman» modalar öýi, köpçüligi eşikleriň özleri ýaly gündogar stilinde bezelen reňkli sergä çagyryp, özüniň «Dehistan» kolleksiýasyny hödürledi.
15-16-njy mart aralygynda Ankarada Türki döwletleriň guramasynyň (OTG) nobatdan daşary sammiti geçiriler, oňa gatnaşyjylar tebigy betbagtçylyklaryň öňüni almak we ýeňip geçmek boýunça meseleleri ara alyp maslahatlaşarlar.
BMG-nyň sekiz guramasy tarapyndan taýýarlanan hasabatda “Ýewropanyň we Merkezi Aziýanyň azyk howpsuzlygy we iýmiti bilen bagly ýagdaý kanagatlandyryjy we köp babatda dünýäniň beýleki sebitleriniň ýagdaýyndan ep-esli gowy” diýlip bellenilýär.
Şu gün türkmen halkynyň Milli Lideri, Gurbanguly Berdimuhamedow “Çalyk Holding” kompaniýalar toparynyň dolandyryjylar geňeşiniň başlygy Ahmet Çalyk bilen duşuşdy.
Beýik Britaniýanyň Türkmenistandaky ozalky ilçisi Lýusiýa Uaýldyň döwlet gullugynda başga wezipä geçýändigi sebäpli, onuň ornuna Stiwen Konlon bellendi. Konlon 2023-nji ýylyň maý aýynda wezipesine girişer. Bu barada Beýik Britaniýanyň hökümet portaly sişenbe güni habar berdi.
