Beýik Britaniýanyň Türkmenistandaky täze ilçisi bellendi
Beýik Britaniýanyň Türkmenistandaky ozalky ilçisi Lýusiýa Uaýldyň döwlet gullugynda başga wezipä geçýändigi sebäpli, onuň ornuna Stiwen Konlon bellendi. Konlon 2023-nji ýylyň maý aýynda wezipesine girişer. Bu barada Beýik Britaniýanyň hökümet portaly sişenbe güni habar berdi.
Stiwen Konlon bu wezipä bellenmezden ozal, Brýusselde Beýik Britaniýanyň Ýewropa Bileleşigindäki, Brýusseldäki wekilhanasynda işledi, Ýewropa Parlamentiniň topar ýolbaşçysy, Azyk howpsuzlygy we weterinariýa boýunça attaşe, Onuň Alyhezretleriniň Wilnýusdaky konsuly wezipelerinde iş alyp bardy. Şeýle hem ol Stokgolm we Helsinki şäherlerinde dürli wezipeleri ýerine ýetirdi.
Ol Beýik Britaniýa ýeke-täk bazar, azyk harytlary, energetika, saglyk we weterinariýa meselelerinde wekilçilik etdi. MBA-nyň diplomyna eýe we rus dilini bilýär.
ORIENT news
