Türkmenistanyň “Gadymy Änew medeniýeti” atly halkara ylmy maslahatyna gatnaşmaga çagyrýar. Forum, Änew şäheriniň 2024-nji ýylda türki dünýäsiniň medeni paýtagty hökmünde yglan edilmegine bagyşlanan çäreleriň başlanmagynyň ertesi güni ýagny, 27-nji martda geçiriler. Maslahatyň wekiliýetleri geçiriljek bu dabaralara hem gatnaşarlar.
Mart aýynda “Türkmenistanda syýahatçylygy ösdürmegiň esasy ugurlary we mümkinçilikleri” atly halkara maslahatyny geçirmek meýilleşdirilýär. Bu barada wise-premýer Mährijemal Mämmedowa anna güni türkmen Hökümetiniň mejlisinde baharyň birinji aýynda geçirilmegi meýilleşdirilýän ynsanperwerlik ugurly çäreleriň meýilleşdirilýändigi barada beren hasabatynda aýtdy.
Änew şäheriniň 2024-nji ýylda türki dünýäsiniň medeni paýtagty hökmünde yglan edilmegine bagyşlanan çäreler 26-njy martda başlanar. Çäreleriň açylyş dabarasy Ahal welaýatynyň Ak Bugdaý etrabynda ýerleşýän “Nowruz ýaýlasy” meýdançasyndaky “Türkmeniň Ak öýi” binasynyň konsert zalynda geçiriler.
Berkarar döwletiň täze eýýamynyň Galkynyşy döwründe ýurdumyzyň gülläp ösmeginde hem-de özgertmeleri durmuşa geçirmekde zenanlarymyzyň bitirýän uly hyzmatlaryny, Watanymyza wepaly, sagdynhem ruhubelent nesilleri terbiýeläp ýetişdirýändiklerini nazarda tutup, şeýle hem ata-babalarymyzyň mähriban enelerimize, eziz uýalarymyza hormat goýmak baradaky asylly däplerini dowam etdirmek maksady bilen Prezident Serdar Berdimuhamedow 8-nji martda Halkara zenanlar güni mynasybetli Türkmenistanyň aýal-gyzlaryna pul sowgatlary gowşurmak barada Buýruga gol çekdi.
Özbegistanyň Milli uniwersitetinde Türkmenistanyň Prezidenti Serdar Berdimuhamedowyň "Ýaşlar - Watanyň daýanjy" atly kitabynyň tanyşdyrylyş dabarasy geçirildi.
Türkmenistanyň Minskdäki ilçisi Nazarguly Şagulyýew 23-nji fewralda Belarusyň Ýazyjylar birleşiginiň başlygy, “Zwezda” neşirýatynyň direktory, baş redaktory Aleksandr Karlýukewiç bilen duşuşdy.
Şu günler Türkmenistanyň Inženerçilik-tehniki we ulag kommunikasiýalary institutynyň we Türkmenbaşy şäheriniň Deňizçilik orta hünär okuw mekdebiniň talyplary «Deňiz söwda floty» paýdarlar jemgyýetiniň «Çarlak» ýolagçy gämisinde tejribelik geçýärler. Bu barada «Türkmendeňizderýaýollary» agentliginiň saýtynda habar berilýär.
"Türkmendemirýollary” agentliginiň wekilleri Fransiýanyň demir ýol ulgamlaryna hyzmatlary hödürlemäge ýöriteleşen “Arterail” kompaniýasynyň wekilleri bilen sanly ulgam arkaly gepleşikleri geçirdiler.
23-nji fewralda ÝUNISEFIŇ-iň ýardamy bilen jemgyýetçilik-lukmançylygy ugrunda täze uçurym-hünärmenleri seçip almak üçin guralan 8 aýlyk okuw tamamlandy.
“Samsung” telewozorlary öndürmekde dünýäde 18 ýyldan bäri öňdebaryjy bolmagynda galýar. Geçen ýylyň jemleri boýunça kompaniýa telewizor bazarynyň 30,1% -ini eýeledi.
20-23-nji fewral aralygy Amerikanyň Birleşen Ştatlarynyň Halkara ösüş agentliginiň (USAID) “Döwleti dolandyryş ulgamynyň kämilleşdirilmegine ýardam bermek” (GSP) taslamasy Türkmenistanyň Mejlisi bilen hyzmatdaşlykda kanunçykaryjylyk prossesiniň halkara tejribesi boýunça dört-günlük okuw maslahatyny gurnady.
Türkmenistanda 2024-nji ýylyň «Pähim-paýhas ummany Magtymguly Pyragy» ýyly diýlip yglan edilmegi mynasybetli «Türkmenawtoulaglary» agentliginde duşuşyk geçirildi diýlip, agentligiň saýtynda habar berilýär.
Türkmenistanyň Halk Maslahatynyň Prezidiumynyň mejlisinde eden çykyşynda türkmen halkynyň Milli Lideri Gurbanguly Berdimuhamedow Türkmenistanyň Prezidentiniň tassyklan Maksatnamasynda ykdysady, maliýe, durmuş, önümçilik we beýleki wezipeler bilen bir hatarda, kanunçylyk ulgamyna degişli wezipeler barada durup geçdi.
Türkmenistanyň Halk Maslahatynyň Prezidiumynyň mejlisinde türkmen halkynyň Milli Lideri Gurbanguly Berdimuhamedow ösüp gelýän ýaşlarymyzy goramak, olary goldamak babatda kämillik ýaşyna ýetmedikleriň meseleleri bilen bagly gatnaşyklary düzgünleşdirýän kadalaşdyryjy hukuk namalaryny kämilleşdirmegiň wagtynyň gelendigini nygtady.
Türkmenistanyň Halk Maslahatynyň Prezidiumynyň mejlisinde eden çykyşynda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow döwletimiziň syýasatynda we durmuşa geçirilýän maksatnamalarda sebitleýin ösüş meselelerine, ýerli wekilçilikli häkimiýet, öz-özüňi dolandyryş edaralarynyň ösüşine hem-de mümkinçilikleriniň artmagyna, olara guramaçylyk hem-de usuly taýdan kömek bermek işlerine uly üns berilýändigini aýtdy.
