Gurbanguly Berdimuhamedow soňky 15 ýylda ýurtda gazanylan ykdysady görkezijileri beýan etdi
2009-njy ýyldan bäri ortaça 6 göterimden ýokary ösüş emele geldi. Soňky 15 ýylyň dowamynda jemi içerki önümiň möçberi 3,7 esse artdy.
Habarlar
Türkmenistanyň Halk Maslahatynyň 2024-nji ýylda geçirjek çäreleriniň meýilnamasy işlenip taýýarlanyldy
«Türkmenistany 2024-nji ýylda durmuş-ykdysady taýdan ösdürmegiň we maýa goýum Maksatnamasyny» üstünlikli durmuşa geçirmegiň çäklerinde Halk Maslahaty we döwlet dolandyryş beýleki edaralary tarapyndan durmuşa geçirilmeli işleriň meýilnamasy tassyklandy.
Türkmen hakynyň Milli Lideri raýat-hukuk gatnaşyklary babatda kanunçylygy kämilleşdirmegiň möhümdigini belledi
Öňde goýlan wezipeler bilen bir hatarda, Türkmenistanyň Prezidentiniň içeri we daşary syýasy başlangyçlaryny kanunçylyk taýdan goldamak, şeýle hem Türkmenistanyň Mejlisiniň gün tertibinde duran soraglar bilen bagly geçirmeli işlerimiz hem köp diýip, Türkmenistanyň Halk Maslahatynyň Başlygy Gurbanguly Berdimuhamedow Halk Maslahatynyň Prezidiumynyň mejlisinde eden çykyşynda belledi.
BMG-niň Ženewadaky edarasynyň ýanyndaky Türkmenistanyň Hemişelik wekilhanasy ulag boýunça çäre geçirdi
BMG-niň Ženewadaky edarasynyň ýanyndaky Türkmenistanyň Hemişelik wekilhanasynyň başlangyjy bilen, BMG-niň Ýewropa ykdysady komissiýasynyň (BMG ÝYK) Içerki ulag komitetiniň 86-njy mejlisiniň çäklerinde, BMG ÝYK bilen bilelikde “Durnukly ulag ulgamyna tarap: öňdebaryjy tejribeler, ýüze çykýan päsgelçilikler we olaryň çözgütleri” atly ugurdaş çäresi guraldy.
Ahal welaýatynyň häkimi Eýranyň Demirgazyk Horasan sebitine iş saparyny amala aşyrdy
Ahal welaýatynyň häkimi Röwşen Hojagulyýewiň ýolbaşçylygyndaky türkmen wekiliýetiniň Eýranyň Demirgazyk Horasan sebitine iş saparyny amala aşyryp, sebitiň häkimi we beýleki ýolbaşçylary bilen duşuşyklary geçirdi.
«Türkmenaragatnaşyk» agentliginde wagyz-nesihat maslahaty geçirildi
«Türkmenaragatnaşyk» agentligiň mejlisler zalynda akyldar şahyrymyz Magtymguly Pyragynyň türkmen halkynyň kalbyna siňen atalar sözlerine, nakyllaryna, pähim-paýhasly setirlerine bagyşlanyp wagyz-nesihat maslahaty geçirildi.
TDHÇB-de söwdalar: daşarky bazara ýeňil senagat önümleri ýerlenildi
Penşenbe güni, 22-nji fewralda, Türkmenistanyň Döwlet haryt-çig mal biržasynyň söwdalarynda daşarky bazarda ýurdumyzda öndürilýän ýeňil senagat önümleri uly islegden peýdalandy.
"Batly-Gadam" - Türkmenistanda jorap öndürýän öňdebaryjy kärhana
"Batly-Gadam" hususy kärhanasy Balkanabat şäherinde önümçilik we tehniki bazasy bolan ýeňil senagat pudagynda iş alyp barýan iri hususy kärhanalaryň biri bolup, onuň esasy iş ugry pagta süýüminden nah ýüplügi we jorap önümçiligi bolup durýar.
Türkmenistan Halkara zähmet guramasynyň Aşgabatdaky wekilini bellemegi öňe sürdi
Türkmenistanyň hökümeti bilen Halkara zähmet guramasynyň arasynda yzygiderli gatnaşyklary alyp barmak we utgaşdyrmak maksady bilen guramanyň wekilini Aşgabatda bellemek barada türkmen tarapynyň teklibi 22-nji fewralda Türkmenistanyň daşary işler ministri Raşid Meredowyň Halkara zähmet guramasynyň Baş direktorynyň kömekçisi, guramanyň Ýewropa we Merkezi Aziýa üçin sebit direktory Beata Andres bilen bolan duşuşygyň dowamynda maslahatlaşyldy.
Tokioda türkmen parlamentarileriniň we talyplarynyň duşuşygy boldy
Tokioda saparda bolýan Mejlis Başlygy Dünyägözel Gulmanowanyň ýolbaşçylygyndaky Mejlisiň agzalary Ýaponiýanyň ýokary okuw mekdeplerinde okaýan türkmen talyplary bilen duşuşdy.
“PETRONAS Carigali (Türkmenistan) Sdn Bhd” kompaniýasy tehniki howpsuzlyk we deňiz amallary boýunça okuw maslahatlaryny gurady
“PETRONAS Carigali (Türkmenistan) Sdn Bhd” kompaniýasy “Balkan” gämigurluşyk we abatlaýyş zawodynyň inženerleri üçin “Tehniki howpsuzlyk we deňiz amallary” atly tema boýunça gysga möhletleýin okuw maslahatyny gurady diýip, “Türkmendeňizderýaýollary” agentliginiň saýtynda habar berilýär.
Türkmenbaşynyň NGIZ täze nesil dizel ýangyjyny tanyşdyrdy
Türkmenbaşynyň nebiti gaýtadan işleýän zawodlar toplumy nebit önümleriniň gerimini giňeldýär. Gidrousulda arassalanan dizel ýangyjy «Hydro Plus» ýurtda we daşary bazarlarda meşhurlyk gazanan milli nebit önümleriniň arasynda öňdebaryjy orny eýelejekdigi çaklanylýan täze önümdir diýlip, «Neýtralnyý Turkmenistan» gazetinde bellenilýär.
Türkmenistanyň deňiz ulag pudagyny sanlylaşdyrmakda gazanan üstünlikleri BMG-niň Ženewadaky edarasynda tanyşdyryldy
Ženewa şäherinde geçirilýän Birleşen Milletler Guramasynyň Ýewropa ykdysady komissiýasynyň Içerki ulag komitetiniň 86-njy mejlisinde “Türkmendeňizderýaýollary” agentliginiň başlygy “Hazarüsti ulag geçelgesinde hukuk resminamasy we BMG-niň ülňülerini ulanmak bilen, maglumatlaryň we resminamalaryň multimodal alyş-çalşyny sanlylaşdyrmak üçin ýol kartasy” atly maslahatda çykyş etdi.
«Mercedes-Benz» dünýäniň iň gymmat awtomobil öndürijisi boldy
«Mercedes-Benz» elektromobil önümçiliginde öňdebaryjy «Tesla» kompaniýasyndan öňe geçip, dünýäniň iň gymmat awtomobil öndürijisi boldy diýip, «Brand Finance» analitik agentligi habar berýär.
GDA-nyň Hemişelik wekilleriniň Geňeşi we Ykdysady meseleler boýunça Komissiýasy19-njy martda ýygnanyşarlar
Arkalaşygyň agza döwletleriniň Hemişelik Doly ygtyýarly wekilleriniň Geňeşiniň we Arkalaşygyň esasy we beýleki edaralary bilen GDA-nyň Ykdysady Geňeşiniň ýanyndaky Ykdysady meseleler boýunça Komissiýasynyň bilelikdäki mejlisiniň 2024-nji ýylyň 19-njy martynda geçirilmegine garaşylýar. Ýakynda geçiriljek mejlisiň gün tertibiniň taslamasy 21-nji fewralda Moskwada geçirilen Ykdysady meseleler boýunça Komissiýanyň mejlisinde tassyklandy, şonda GDA-na agza ýurtlaryň arasynda ykdysady hyzmatdaşlygyň birnäçe ugurlary ara alnyp maslahatlaşyldy.
