Türkmenistanyň Döwlet simfoniki orkestri Magtymgulynyň 300 ýyllygy mynasybetli Parižde çykyş eder
Magtymgulynyň doglan gününiň 300 ýyllygy mynasybetli Türkmenistanyň Döwlet simfoniki orkestri Parižde konsert bilen çykyş eder diýip, Türkmenistanyň ÝUNESKO-nyň ýanyndaky hemişelik wekili habar berýär.
Dabaraly konsert 24-nji aprelde ÝUNESKO-nyň Pariždäki ştab-kwartirasynda geçiriler. Sahnada türkmen nusgawy kompozitorlarynyň eserleri ýaňlanar we ÝUNESKO-nyň Adamzadyň maddy däl medeni mirasynyň sanawyna girizilen küştdepdi tansy ýerine ýetiriler.
2024-nji ýylyň 22 – 26-njy apreli aralygynda ÝUNESKO-nyň Pariž şäherindäki ştab-kwartirasynda «Magtymguly Pyragy we Türkmenistanyň medeni mirasy» atly sergi ýaýbaňlandyrylar. Ol Türkmenistanyň ÝUNESKO-nyň ýanyndaky hemişelik wekili tarapyndan Türkmenistanyň Medeniýet ministrligi, Türkmenistanyň Ylymlar akademiýasy we Türkmenistanyň Döwlet medeniýet merkeziniň Döwlet muzeýi bilen bilelikde guralar.
Sergide şahyryň golýazmalary görkeziler, munuň özi serginiň myhmanlaryna şahyryň baý edebi mirasyny açmaga mümkinçilik berer. Şeýle hem myhmanlar Türkmenistanyň amaly-haşam sungatynyň eserleri bilen tanyşarlar – halylar, şaý-sepler, egin-eşikler we saz gurallary görkeziler.
Serginiň açylyş dabarasynyň çäklerinde türkmen milli lybaslarynyň görkezilişi bolar.
ORIENT news
