Russiýanyň Maliýe ministrliginiň baştutany Anton Siluanow beýleki ýurtlardaky söwda hyzmatdaşlary bilen kriptowalýutada özara hasaplaşyklara geçmek mümkinçiligini beýan etdi – diýip, TASS agentligi habar berýär.
Penşenbe güni Türkmenistanyň Prezidenti ýurduň 2022-nji ýyldaky ösüşiniň netijelerine bagyşlanan Ministrler Kabinetiniň we Döwlet howpsuzlyk geňeşiniň bilelikdäki mejlisini geçirdi. Oňa welaýatlaryň we Aşgabat şäheriniň häkimleri hem çagyryldy.
Dünýäniň üç gezek çempiony bolan braziliýaly Pele 82 ýaşynda aradan çykdy.
Türkmenistanyň Prezidenti Serdar Berdimuhamedow Täze ýyl baýramy mynasybetli dynç gününi geçirmek hakynda Permana gol çekdi.
Türkmenistanda 2023-nji ýyl “Arkadag Serdarly bagtyýar ýaşlar ýyly” diýen şygar bilen geçer.
Penşenbe güni Türkmenistanyň DIM-niň Halkara gatnaşyklary institutynda geçirilen maslahat Arkadag şäheri – dünýäniň şähergurluşyk taslamasynyň milli nusgasy diýen meselä bagyşlandy. Oňa ýurdumyzda işleýän daşary ýurtly ilçiler, Türkmenistanyň daşary ýurtlardaky Adatdan daşary we Doly ygtyýarly ilçileri, şeýle hem talyplar gatnaşdylar.
Aşgabadyň bejeriş okuw-terbiýeçilik merkeziniň çagalarynyň täze ýyl arzuwlary Halkara ynsanperwer ylymlary we ösüş uniwersitetiniň talyplarynyň tagallary netijesinde, özboluşly täsin görnüşde hasyl boldy. Ýaşlar çarşenbe güni “Arzuw daragty” taslamasynyň çäklerinde çagalar üçin baýramçylyga niýetlenip ýörite taýýarlanan sowgatlary gowşurdylar.
Dubaýda ýerleşýän Flydubai awiakompaniýasy 2023-nji ýylyň 23-nji ýanwaryndan Türkmenistana uçuşlaryny täzeden ýola goýar. Kompaniýanyň Dubaý-Aşgabat ugry boýunça yzygiderli ýolagçy gatnawyny ýerine ýetirýän uçarlary Aşgabadyň halkara howa menzilinde gonar diýip, Flydubai-iň Aşgabatdaky wekilhanasynda Oriente habar berdiler.
Suwuklandyrylan gazy kabul ediji ýüzýän ilkinji terminal Finlýandiýa geldi. Indi ýurduň günortasyndaky Inkoo porty gaýtadan gaz bilen üpjün edýän desga hökmünde ulanylar. Bu toplumy Finlýandiýa Estoniýa bilen bilelikde ABŞ-nyň kompaniýasyndan geljek 10 ýyl üçin kärendesine aldy – diýip, Euronews habar berýär.
Türkmenistan bilen Özbegistanyň arasyndaky haryt dolanyşygynyň oňyn saldosynyň $490 mln amerikan dollaryna deň bolandygyna Özbegistanyň Döwlet statistikasynyň maglumatlary şaýatlyk edýär.
Türkmenistanyň parlamentiniň ýokarky palatasynyň Başlygy Gurbanguly Berdimuhamedowyň agtygy Kerimguly Berdimuhamedow öz atasynyň “Dowam bolsun!” atly täze goşgysyna aýdym ýazdy.
Günorta Koreýanyň KPLO (Korea Pathfinder Lunar Orbiter), başgaça Danuri diýlip hem atlandyrylýan kosmiki enjamy ilkinji gezek älem giňişligine çykaryldy we Aýyň orbitasynda üstünlikli birikdirildi – diýip, Koreýa Respublikasynyň ylym we maglumat-kommunikasiýa tehnologiýalar ministrligine salgylanyp, TASS agentligi habar berýär.
Aşgabat we Astana serhetýaka çäklerinde dörän ýer titremeleriniň täsirleriniň makroseýsmiki barlaglaryny guramakda we geçirmekde, okuw jaýlarynda bu ugurdan hünärmenleri taýýarlamakda hyzmatdaşlyk ederler, şeýle hem tejribelik geçjekleri, mugallymlary, alymlary we hünärmenleri alşarlar – diýip, zakon.kz habar berýär.
Türkmenistanyň Futbol federasiýasy Aşgabatda çagalar futbol festiwalyny geçirdi – diýip, guramanyň saýtynda habar berilýär. Futbol baýramçylygy Grassroots bütindünýä maksatnamasynyň çäklerinde çagalaryň we ýaşlaryň arasynda futboly meşhur etmek we öňe sürmek maksady bilen geçirildi.
Sişenbe güni, 27-nji dekabrda Türkmenistanyň döwlet haryt-çig mal biržasyndaky söwdalaşyklarda umumy bahasy $1 mln. amerikan dollaryna we 8,9 mln. türkmen manadyna deň bolan 8 geleşik baglaşyldy – diýip, ORIENT-iň habarçysy habar berýär.
