BAE-niň Flydubai awiakompaniýasy Aşgabada uçuşlaryny täzeden ýola goýar
Dubaýda ýerleşýän Flydubai awiakompaniýasy 2023-nji ýylyň 23-nji ýanwaryndan Türkmenistana uçuşlaryny täzeden ýola goýar. Kompaniýanyň Dubaý-Aşgabat ugry boýunça yzygiderli ýolagçy gatnawyny ýerine ýetirýän uçarlary Aşgabadyň halkara howa menzilinde gonar diýip, Flydubai-iň Aşgabatdaky wekilhanasynda Oriente habar berdiler.
Uçuşlar hepdede iki gezek – duşenbe we penşenbe günlerinde ýerine ýetiriler. Uçar petekleriniň bahasyna degişli meseleler boýunça ýolagçylar awiakompaniýanyň Aşgabatdaky wekilhanasyna ýüz tutup bilerler. Onuň edarasy şu salgyda: Seýitnazar Seýdi köç., j. 19/1 (Atamyrat seýilgähiniň ugrunda) ýerleşýär. Goşmaça maglumaty 92-01-66 telefon belgä jaň edip alyp bolar.
Aşgabat Flydubai-iň Merkezi Aziýa ýurtlarynyň sanawyndaky dokuzynjy şäheri bolar. Awiakompaniýa Almaty, Astana, Bişkek, Duşenbe, Namangan, Oş, Samarkand we Daşkent ýaly şäherlere uçýar.
Şeýle hem 2023-nji ýylyň ýanwaryndan başlap, Flydubai-iň uçuşlarynyň gerimi 116 ugra çenli giňelip, dünýäniň 53 ýurduna amala aşyrylar.
ORIENT news
