Türkmenistanda çagalar futbol festiwaly geçirildi
Türkmenistanyň Futbol federasiýasy Aşgabatda çagalar futbol festiwalyny geçirdi – diýip, guramanyň saýtynda habar berilýär. Futbol baýramçylygy Grassroots bütindünýä maksatnamasynyň çäklerinde çagalaryň we ýaşlaryň arasynda futboly meşhur etmek we öňe sürmek maksady bilen geçirildi.
Çärä özleriniň beden başarnyklaryny we futbol ukyplaryny görkezen 150-den gowrak oglanjyklar we gyzjagazlar gatnaşdylar. Olar diňe bir futbol oýnamak bilen çäklenmediler, gyzlar hem oglanlar estafetalara gatnaşdylar, pökgi bilen dürli beden hereketlerini we beýleki futbol türgenleşik maşklaryny ýerine ýetirdiler.
Grassroots maksatnamasy ýaşyna, jynsyna, beden ýagdaýyna ýa-da etniki gelip çykyşyna garamazdan futbol oýnuna elýeterlik döretmäge niýetlenendir. Aşgabatdaky festiwalda çagalar oýundan lezzet aldylar, durmuş başarnyklaryny gowulandyrdylar we futbolyň esasy tehnikasyny özleşdirdiler.
ORIENT habarlar
Surat: tff.com.tm/
