Türkmenistanda 2023-nji ýylyň şygary saýlandy
Türkmenistanda 2023-nji ýyl “Arkadag Serdarly bagtyýar ýaşlar ýyly” diýen şygar bilen geçer.
Däp bolşy ýaly, Türkmenistanda ýylyň ahyrynda geljek ýylyň şygary saýlanýar. 2022-nji ýyl «Halkyň Arkadagly zamanasy» şygary bilen tamamlanyp barýar.
Geljek ýylyň şygary penşenbe güni geçirilen Ministrler Kabinetiniň we Döwlet howpsuzlyk geňeşiniň bilelikdäki mejlisinde Milli Geňeşiň Mejlisiniň Başlygy Gülşat Mämmedowa tarapyndan teklip edildi. Ol 2023-nji ýyly «Arkadag Serdarly bagtyýar ýaşlar ýyly» diýip atlandyrmak baradaky çözgüdiň raýatlaryň köp sanly teklipleri esasynda we iri jemgyýetçilik birleşiklerinde, zähmet toparlarynda, okuw mekdeplerinde, obadyr-şäherlerinde geçirilen maslahatlarda ara alnyp maslahatlaşylmagyň barşynda kabul edilendigini aýtdy. Hormatly Prezidentimiz geljek 2023-nji ýylyň şygaryny «Arkadag Serdarly bagtyýar ýaşlar ýyly» diýlip yglan edilýändigini aýtdy.
Türkmenistanyň Prezidenti 2023-nji ýylyň şygaryny tassyklady we şonuň bilen birlikde täze ýylyň resmi nyşany kabul edildi.
ORIENT news
