Russiýa we Belorussiýa bilelikde döredilen Ýeri uzakdan zondirleýän hemrany 2028-nji ýylda uçurmagy meýilleşdirýärler – diýip, TASS Belorussýanyň Milli ylymlar akademiýasynyň «Geomaglumatlar ulgamy» kärhanasynyň direktory Sergeý Zolotoýyň söhbetdeşligine salgylanyp, habar berýär.
Güýçli sowuklar sebäpli Özbegistanyň prezidenti Şawkat Mirziýoýew jemagat hojalyk işgärlerine bergisi bolanlaryň toguny we gazyny öçürmegi gadagan etdi – diýip, Merkezi Aziýanyň neşirleri habar berýärler.
«Aşgabat» tennis akademiýasynda terbiýelenýän Ilima Guseýnowa, Imran Ahundow we Selim Çagylow ITF Asia 14&U Development Championships ýaryşynda Merkezi Aziýa we Günbatar Aziýa sebitiniň Aziýanyň birinjiligi ugrundaky saýlama bäsleşiginde 14 ýaşa çenli ýetginjekleriň arasynda mynasyp çykyş etdiler.
Türkmenistanyň parlamentiniň aşaky palatasynyň iş topary Konstitusiýa girizilmeli üýtgetmeleri ara alyp maslahatlaşýar, ol Halk Maslahatynyň ýokarky palatasynyň halk häkimiýetiniň ýokary wekilçilikli edarasyna öwrülmegine degişlidir.
Asly Filippinlerden bolan amerikan gyzy R’Bonni Gabriel «Älem gözeli 2023» diýen ada eýe boldy – diýip, RIA Nowosti habar berýär.
Şäheriň günorta bölegini kesip geçýän Aşgabadyň suw seýilbag kanaly tutuş ýurtda howanyň temperaturasynyň peselmegi bilen buzuň galyň bolmadyk gatlagy bilen doly örtüldi.
Türkmenistanyň hokkeý boýunça ýygyndysy Kazan Hockey Cup -Yslam ýurtlarynyň arasyndaky ilkinji halkara hokkeý ýaryşynda Gyrgyzystanyň ýygyndysyndan üstün çykdy – diýip, ýaryşlaryň resmi topary ВК-da habar berýär.
Türkmenistanyň parlamentiniň ýokarky palatasynyň Başlygy Gurbanguly Berdimuhamedow Ahal welaýatynyň täze dolandyryş merkezinde gurulýan metjidiň ýanynda okuw jaýyny – medresäniň gurulmagyny teklip etdi – diýip, TDH habar berýär.
Türkmenhowaýollary pandemiýa sebäpli ýatyrylan halkara uçuşlarynyň biletleriniň möhletini gysgaltdylar. Indi olary 2023-nji ýylyň 28-nji fewralyna çenli çalşyp bolýar – diýip, «Türkmenhowaýollarynda» ORIENT-e gürrüň berdiler.
Şenbe güni, 14-nji ýanwarda Türkmenistanyň döwlet haryt-çig mal biržasyndaky söwdalaşyklarda umumy bahasy 747,5 müň amerikan dollary bolan 3 geleşik baglaşyldy – diýip, ORIENT-iň habarçysy habar berýär.
Türkmenistanyň baş konsuly Güýç Garaýew we Kazan şäheriniň häkimi Ilsur Metşin Türkmenistanyň we Tatarystanyň arasyndaky özara gatnaşyklary, şeýle hem Aşgabat bilen Kazanyň arasynda doganlyk gatnaşyklarynyň ýola goýulmagyny ara alyp maslahatlaşdylar – diýip, Türkmenistanyň baş konsullygynyň saýty habar berýär.
Türkmenabatda syn etmeleriň1894-nji ýyldan bäri ýöredilýän taryhy boýunça iň pes temperatura rekordy goýuldy. Anna güni şäherdäki termometrleriň çyzygy -25,4° gradusa düşdi – diýip, «Meteožurnal» neşiri habar berýär.
Awstriýanyň 500 golaý kompaniýasy Merkezi Aziýa ýurtlarynda, şol sanda Türkmenistanda, Gazagystanda, Täjigistanda, Özbegistanda we Gyrgyzystanda işjeň işleýärler – diýip, Awstriýanyň Gazagystandaky söwda attaşesi Liza Kronraýf beýan etdi – diýip, Trend habar berýär.
Hytaýda we Hindistanda kowide garşy çäklendirmeleriň aýrylmagy bilen baglylykda nebite we nebit önümlerine ägirt uly isleg bildirilmegine garaşylýar – diýip, Bloomberg bilermenleriň pikirine salgylanyp, habar berýär.
Türkmenistanyň Döwlet gümrük gullugy harytlaryň we hyzmatlaryň birnäçesini üpjün edijileri gözleýändigini yglan etdi – diýip, şu gün «Türkmenistan» gazeti habar berdi.
