2023-nji ýylda Hytaýda we Hindistanda nebite ägirt köp isleg bildirilmegine garaşylýar
Hytaýda we Hindistanda kowide garşy çäklendirmeleriň aýrylmagy bilen baglylykda nebite we nebit önümlerine ägirt uly isleg bildirilmegine garaşylýar – diýip, Bloomberg bilermenleriň pikirine salgylanyp, habar berýär.
2023-nji ýylda Hytaýyň bazarynda nebite bolan isleg bir gije-gündizde 800 müň barrele çenli artar, bu bolsa gara altynyň dünýä bahalarynyň artmagyna getirer. Netijede, Hytaýda nebite bolan umumy isleg hiç görülmedik derejede gije-gündizde 16 million barrele ýeter.
Sarp etmegiň ösen depgini garaşylyşy ýaly, ýylyň ikinji çärýeginden başlanar we, şuňa baglylykda, şu döwürde uçar gatnawlary hem gaýtadan dikeldilýär.
Geçen ýylyň ahyrynda Halkara energetika agentligi Hindistanda we Hytaýda senagat zynjyrynyň gaýtadan dikeldilmegi bilen, nebite bolan dünýä isleginiň gije-gündizde 1,7 mln barrele ýeter diýip çaklapdy.
ORIENT habarlar
