BMG-niň adam hukuklary baradaky Ýokary komissarynyň Müdirliginiň Merkezi Aziýa boýunça sebitleýin bölümi maýyplygy bolan ýaşlar üçin adam hukuklary boýunça Mekdebe ýazylyşygy yglan edýär. Bu barada BMG-niň Türkmenistandaky wekilhanasynyň Instagram-hasabynda habar berilýär.
Eýran Türkmenistanda nebiti gaýtadan işleýän zawodlary gurmaga, nebit we gaz ýataklaryny bilelikde özleşdirmäge, şeýle hem bäsdeşlige ukyply ýokary hilli enjamlary elýeterli bahadan Türkmenistana ibermäge taýýardyr.
35 ýaşa çenli bolan we iş tejribesi 3 ýyldan az bolmadyk 70-den gowrak lukman Türkmenistandan 2023-nji ýylda kliniki ordinatura kabul ediler – muňa resmi metbugatda kabul edişlik barada çap edilen bildirişler şaýatlyk edýär.
Türkmenistanyň Mary, Lebap, Balkan welaýatlarynyň käbir etraplarynda we bölekleýin – Ahal welaýatynda güýçli ýel bolmagyna garaşylýar, şemalyň tizligi 20 m/s ýetip biler – diýip, «Meteožurnal» neşiri habar berýär.
Pakistanyň Rawalpindi Söwda-senagat palatasynda (Penjap welaýatynyň şäheri we etraby) Aziýa eko-siwilizasiýalaryň barlagy we ösüşi instituty bilen hyzmatdaşlykda sebitleýin aragatnaşyk hyzmaty döredildi. Onuň maksady – söwdany ösdürmek, Azerbaýjanda we Merkezi Aziýanyň bäş ýurdy: Gazagystanda, Gyrgyzystanda, Täjigistanda, Türkmenistanda we Özbegistanda Söwda-senagat palatalary derejesinde B2B işewürlik ulgamlaryny we aragatnaşyklary döretmek üçin maglumat bermekden ybarat.
“Azerbaýjanyň Hazar Deňiz Gämiçiligi” (ASCO) ÝGPJ 2023-nji ýylyň 1-nji martyndan Baku-Türkmenbaşy-Baku ugry boýunça iki tarapa-da ulag hyzmatlarynyň bahasyny aşak düşürýändigini yglan etdi diýip, Azertag.az habar berýär.
Özbegistan Türkmenistandan muzdsuz iberilen suwuklandyrylan gazy üpjünçiligi pes maşgalalara paýlap başlady. Bu barada «Худудгазътаъминот» kompaniýasynyň metbugat gullugyna salgylanmak bilen, «Газете.uz» neşiri habar berýär.
Duşenbe güni Antakýada güýji 6.3 ball dereje bolan ýer titremesi hasaba alyndy. Bu barada Ýewropa-Ortaýer deňziniň seýsmologiýa merkezi habar berdi. Onuň maglumatlaryna görä, hadysanyň merkezi 2 km çuňlukda ýerleşýär. Türkiýäniň Adatdan daşary ýagdaýlar boýunça müdirliginiň maglumatlaryna görä, sarsgyn 16 km çuňlukda emele gelipdir – diýip, TASS habar berýär.
Ýaponiýanyň Tendo şäherinde Arkadag şäheriniň tanyşdyrylyş dabarasy geçirildi. Bu çäre duşenbe güni Türkmenistanyň Ýaponiýadaky ilçihanasy we Tendo şäher häkimligi bilen bilelikde geçirildi.
Şu gün paýtagtymyzdaky Maslahat köşgünde Türkmenistanyň Halk Maslahatynyň Başlygy Gurbanguly Berdimuhamedow ýurdumyza sapar bilen gelen Katar Döwletiniň Şeýhler maşgalasynyň agzasy Şeýh Faýsal bin Nasser bin Hamad Al-Tani bilen duşuşyk geçirdi.
Şu gün hormatly Prezidentimiz Serdar Berdimuhamedow Ministrler Kabinetiniň Başlygynyň obasenagat toplumyna gözegçilik edýän orunbasary A.Ýazmyradowyň hem-de welaýatlaryň häkimleriniň gatnaşmagynda sanly ulgam arkaly iş maslahatyny geçirdi.
Ýerewandaky türkmen ilçisi Muhammetgeldi Aýazowyň Ermenistanyň ylym, bilim, medeniýet we sport ministri Žanna Andreasýan bilen bolan duşuşygynda medeniýet we sungat ulgamynda Türkmenistan bilen Ermenistanyň hökümetleriniň arasynda hyzmatdaşlyk etmek maksatnamasynyň taslamasyna gol çekmäge taýýarlyk gozgalan meseleleriň birine öwrüldi.
Duşenbe güni Dominikan Respublikasynyň ilçisi Elwis Antonio Alam Lora Türkmenistanyň Mejlisiniň başlygy Gülşat Mämmedowa ynanç hatyny gowşurdy. Milli parlamentiň ýolbaşçysy prezident Serdar Berdimuhamedowyň adyndan diplomaty wezipä bellenilmegi bilen gutlady we täze wezipede üstünlikleri arzuw etdi.
Türkmenistanyň tennis boýunça ýygyndy topary Şri-Lankada 14 ýaşa çenli ýetginjekleriň arasyndaky dünýä çempionatynyň Aziýa we Okeaniýa sebiti boýunça açyk tapgyrynda (2023 World Junior Tennis Competition) bürünç medallara mynasyp boldy.
Aşgabatdaky Puşkin adyndaky türkmen-rus orta mekdebine roýal gowşuryldy. Saz guralyny, Russiýa Federasiýasynyň hökümetiniň Telegram kanalynyň habar bermegine görä, okuwçylara Russiýa Federasiýasynyň hökümetiniň başlygy Mihail Mişustin sowgat etdi.
