Türkiýede ýer titremäniň boljakdygyny öňünden aýdan niderlandly seýsmolog Frank Hugerbits täze çaklamasy öňe sürdi - diýip, RIA Nowosti habar berýär.
Pakistanyň parlamentiniň aşaky palatasynyň baştutany Radja Perwez Aşraf türkmen ilçisi Atajan Möwlamow bilen duşuşykda howa, gury ýer we suw arkaly sebitleýin gatnaşyklary giňeltmek üçin tagallalary birleşdirmegi teklip etdi – diýip, Daily Times habar berýär.
BMG-niň Azyk we oba hojalyk guramasy (FAO) Türkmenistanda Milli tokaý maksatnamasyny durmuşa geçirmek boýunça iki sany nahalhana we görkeziliş meýdançasyny döretdi – diýip, guramanyň metbugat üçin maglumatynda habar berilýär.
Türkmenistanyň Saglygy goraýyş we derman senagaty ministrligi Ahal welaýatyndaky täze saglyk öýleri üçin döwrebap lukmançylyk enjamlaryny we şahsy arassaçylyk serişdelerini satyn almak üçin tender yglan etdi.
Türkmenistanyň wekilleri 2023-nji ýylda GDA-nyň çäklerinde özara hereket etmek meseleleri boýunça Arkalaşygyň Minskidäki ştab-kwartirasynda geçirilen daşary işler ministrlikleriniň arasyndaky maslahatlaşmalara gatnaşdylar. Bu barada GDA-nyň ýerine ýetiriji komitetiniň metbugat gullugy habar berýär.
Türkiýäniň prezidenti Rejep Taýyp Ärdogan weýrançylykly ýer titremesiniň netijesinde ejir çeken welaýatlardaky ýagdaý bilen tanyş boldy – diýip, Anadolu agentligi habar berýär.
Halk Maslahatynyň Başlygy Gurbanguly Berdimuhamedow çarşenbe güni Türkiýäniň Aşgabatdaky ilçihanasyna bardy – diýip, bu ýurduň Türkmenistandaky ilçisi Togan Oral sosial torlarda habar berdi.
Ýer titremeleriniň birnäçesini başyndan geçiren Türkiýede betbagtçylyga duçar bolanlary arasynda Türkmenistanyň raýatlary hem bar. Bu barada Türkmenistanyň Halk Maslahatynyň Başlygy Gurbanguly Berdimuhamedow Türkiýäniň Aşgabatdaky ilçihanasyna baryp görende aýtdy – diýip, TDH habar berýär.
Gahryman Arkadagymyzyň Türkiýe Respublikasynyň Aşgabatdaky ilçihanasynda bolan pursatlarynda belleýşi ýaly, häzirki wagtda doganlyk ýurduň güýçli ýertitremelerden ejir çeken ýerlerinde bolýan watandaşlarymyz barada degişli kömek maslahatlary, maglumatlary almak üçin telefon belgilerini size ýetirýäris.
Onuň Alyhezreti, türkmen halkynyň Milli Lideri, Türkmenistanyň Halk Maslahatynyň Başlygy jenap Gurbanguly Berdimuhamedowa Hormatly jenap Başlyk!
Hormatly Prezidentimiz Serdar Berdimuhamedow Eýran Yslam Respublikasynyň milli baýramy -- Ynkylap güni mynasybetli Türkmenistanyň halkynyň, Hökümetiniň adyndan, şeýle hem hut öz adyndan Eýran Yslam Respublikasynyň Prezidenti Seýed Ebrahim Raisä hem-de ýurduň ähli doganlyk halkyna tüýs ýürekden gutlaglaryny we iň gowy arzuwlaryny iberdi.
Şu gün türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow hormatly Prezidentimiz Serdar Berdimuhamedowyň tabşyrygy boýunça Türkiýe Respublikasynyň Aşgabatdaky ilçihanasyna baryp, doganlyk ýurduň wekillerine duýgudaşlyk bildirdi. Gahryman Arkadagymyz şu agyr pursatda gurban bolanlaryň dogan-garyndaşlaryna hem-de ýakynlaryna ýürekden gynanç we medet beriji sözlerini, ejir çekenlere bolsa, tiz wagtda sagalmaklary baradaky dileglerini beýan etdi.
Russiýanyň Sankt-Peterburg şäheri şu ýyl Arkalaşygyň medeni paýtagty derejesine eýe boldy. Şäher häkimligi göz öňünde tutulýan çäreleriň sanawyny düzüp, Sankt-Peterburgyň Medeniýet boýunça komitetine we Ynsanperwer hyzmatdaşlyk boýunça döwletara gaznasyna iberdi – diýlip, GDA-nyň Ýerine ýetiriji komitetiniň internet saýtynda habar berilýär.
Baýramaly şäheriniň ýaşaýjysy seýrek duş gelýän altyn dirhemi Mary welaýatynyň taryhy we ülkäni öwreniş muzeýiniň gaznasyna sowgat etdi. Welaýat muzeýiniň işgärleriniň ORIENT-iň habarçysyna aýmagyna görä, arap zikgesiniň seýrek teňňesi biziň eýýamymyzyň 7-10-njy asyrlaryna Abbasy halyflygynyň döwrüne degişlidir. Altyn teňňäniň agramy 4,25 gr deň. Muzeýiň hünärmenlerine teňňäniň arka tarapynda Gurhandan alnan süreleriň ýazylandygyny anyklamak başartdy.
Türkiýede güýçli ýer titremesinden ejir çeken etraplarda gözleg-halas ediş işleri dowam edýär. Iň soňky maglumaty ORIENT-e Türkiýäniň Türkmenistandaky ilçihanasy berdi.
