Türkmenistanyň wekiliýeti, wise-premýer, Daşary işler ministri Raşid Meredowyň ýolbaşçylygynda BMG-nyň Merkezi Aziýanyň ykdysadyýetleri boýunça ýörite maksatnamasynyň (SPECA) duşenbe güni Şweýsariýanyň Ženewa şäherinde geçirilen ministrler mejlisine gatnaşdy.
Türkmenistanyň Belgiýadaky ilçisi Sapar Pälwanow sişenbe güni ştab-kwartirasy Brýusselde ýerleşýän Türkmenistanyň Ýewropa Bileleşiginiň wekilhanasynyň başlygy hökmünde Ýewropa Bileleşiginiň Daşary gatnaşyklar gullugynyň protokolynyň ýolbaşçysy Týeri Beşe ynanç hatlarynyň nusgalaryny gowşurdy. Duşuşykda diplomatlar ikitaraplaýyn hyzmatdaşlygy berkitmek we ony täze derejä çykarmagyň ýollary barada pikir alyşdylar.
Gazagystan Respublikasy Owganystandan diplomatlary kabul etmek barada karar kabul etdi. Bu barada GR-nyň DIM-niň wekili Aýbek Smadiýarow beýan etdi -diýip, Tengri news maglumatlar agentligi habar berýär.
«Uly ýediligiň» ýurtlary Türkmenistana, Gazagystana, Özbegistana, Täjigistana we Gyrgyzystana degişli anyk meseleleri çözmekde hyzmatdaşlyk etmek barada ylalaşdylar. Bu hakda G7-niň DIM-niň baştutanlarynyň Ýaponiýada geçen mejlisiniň barşynda belli boldy – diýip, TASS habar berýär.
Merkezi Aziýa sebitleýin ykdysady hyzmatdaşlygyň Kämilleşdirilen üstaşyr ulgamy we maglumatlaryň Umumy alşygy synag taslamasyna birikmegiň meseleleri Türkmenistanyň Döwlet gümrük gullugynyň wekilleriniň Aziýanyň ösüş bankynyň we SARES maksatnamasynyň ygtyýarlandyrylan wekilleri bilen duşuşygynda ara alnyp maslahatlaşyldy. Bu barada Türkmenistanyň gümrük edarasynyň saýty habar berýär.
Koreý-türkmen parlamentara dostluk toparynyň ýolbaşçysy Li Dal Gonuň ýolbaşçylygynda Koreýa Respublikasynyň parlament wekiliýeti Aşgabatda iş duşuşyklarynyň birnäçesini geçirdi.
Türkmen halkynyň Milli Lideri, Halk Maslahatynyň Başlygy Gurbanguly Berdimuhamedow duşenbe güni “Koreýa-Türkmenistan” parlamentara dostluk toparynyň başlygy Li Dal Gonyň ýolbaşçylygynda Aşgabat şäherine sapar bilen gelen Koreýa Respublikasynyň parlament wekiliýetiniň agzalary bilen duşuşdy.
Türkmenistanyň wekilleri Merkezi Aziýada serhetleriň dolandyrylmagyna ýardam etmek (BOMKA 10) maksatnamasy tarapyndan serhet, migrasiýa we hukuk goraýjy edaralaryň işgärleri, şeýle hem olaryň garamagyndaky okuw mekdepleriniň mugallymlary üçin gurnalan sebitleýin onlaýn-seminara gatnaşdylar.
Türkmenistan halkara maglumat howpsuzlygy pudagynda altytaraplaýyn çarçuwaly ylalaşygyň taslamasyny taýýarlamagy we Merkezi Aziýa we Russiýa halklarynyň ilkinji Medeniýet we sungat festiwalyny geçirmegi teklip etdi.
Türkmen halkynyň Milli Lideri, Halk Maslahatynyň Başlygy Gurbanguly Berdimuhamedow şenbe güni Özbegistanyň Prezidenti Şawkat Mirziýoýew bilen telefon arkaly söhbetdeşlik geçirdi.
Şenbe güni Türkmenistanyň Prezidenti Serdar Berdimuhamedow Özbegistanyň Prezidenti Şawkat Mirziýoýew bilen telefon arkaly söhbetdeşlik geçirdi.
ABŞ-nyň baştutany Jo Baýden ikinji prezidentlik möhletine degişli eýýäm belli karara gelendigini beýan etdi.
Türkmenistanyň daşary işler ministriniň orunbasary Wepa Hajyýew Pakistanyň DIM-niň baştutany Hinna Rabani Har bilen meseleleriň giň toparyny, şol sanda ýakyn wagtda türkmen-pakistan hökümetara toparynyň mejlisini geçirmekligi ara alyp maslahatlaşmak üçin duşuşyk geçirdi.
Türkmenistanyň we Özbegistanyň DIM-niň wekilleri iki ýurduň diplomatik edaralarynyň arasynda 2023-2024-nji ýyllar üçin hyzmatdaşlyk Maksatnamasynyň çäklerinde türkmen-özbek gatnaşyklarynyň şertnama-hukuk esasyny kämilleşdirmek boýunça maslahatlaşmalary geçirdiler.
2024-nji ýylda Owganystan bilen goňşy döwletleriň daşary işler ministrleriniň nobatdaky - bäşinji mejlisi Türkmenistanda geçiriler. 13-nji aprelde Samarkantda ministrler derejesinde geçirilen IV mejlise gatnaşyjylar bu barada ylalaşdylar – diýip, türkmen daşary syýasat edarasynyň saýtynda habar berilýär.
