Türkmenistanyň Halk Maslahatynyň Başlygy Gurbanguly Berdimuhamedow mähriban käbesi, Türkmenistanyň Prezidenti Serdar Berdimuhamedow enesi Ogulabat Berdimuhamedowany hatyralap, anna güni belli gün agzaçar sadakasyny berdiler.
Anna güni Samarkatda GDA agza-döwletleriň daşary işler ministrleriniň Geňeşiniň mejlisi geçdi. Bu GDA DIMG-niň şu ýyldaky ilkinji mejlisi bolup, ol Gyrgyz Respublikasynyň Arkalaşykda başlyklyk etmeginiň çäklerinde geçdi.
Türkmenistanyň Nýu-Ýorkdaky BMG-niň ýanyndaky Hemişelik wekilhanasynyň resmi web-saýtynyň ispan dilindäki wersiýasyna badalga berildi.
Özbegistanyň, Eýranyň, Hytaýyň, Pakistanyň, Russiýanyň, Täjigistanyň we Türkmenistanyň daşary işler ministrlikleriniň ýolbaşçylarynyň gatnaşmagynda goňşy Owganystanyň dördünji ministrler mejlisi penşenbe güni Samarkantda geçirildi. Gepleşiklerde Türkmen Daşary işler ministrligine ministriň orunbasary Wepa Hajyýew wekilçilik etdi, - diýip Özbegiýanyň resmi metbugaty habar berýär.
«Türkmenaragatnaşyk» agentligi we «Türkmen Hemrasy» ÝGPJ (hemra aragatnaşygynyň milli operatory) resmi hemaýatkäri hökmünde 25-27-nji aprelde Daşkentde älem tehnologiýalarynyň halkara konferensiýasynyň geçirilmegini goldady.
Žurnalistikany okatmak babatyndaky ikitaraplaýyn özara hyzmatdaşlygyň meseleleri Türkmenistanyň DIM-niň Halkara gatnaşyklary institutynyň we Al-Farabi adyndaky Gazak milli uniwersitetiniň professor-mugallymlar düzüminiň we talyplarynyň duşuşygynyň barşynda ara alnyp maslahatlaşyldy.
Türkmen-özbek araçägindäki «Farap» we «Alat» serhetýaka gümrük nokatlarynyň geçirijilik ukyby her gije-gündizde bir müň awtoulag serişdesine çenli artdyrylar – diýip, Türkmenistanyň Döwlet gümrük edarasynyň saýty habar berýär.
Hytaýyň DIM-niň baştutany Sin Gan 12-13-nji aprelde Samarkantda geçiriljek Owganystanyň goňşy ýurtlarynyň daşary işler ministrleriniň 4-nji duşuşygyna gatnaşjakdygyny tassyklady – diýip, Hytaýyň SCMP maglumatlar agentligi habar berýär.
Hazarýaka döwletleriň DIM-niň baştutanlarynyň duşuşygy Russiýada geçirilmegi meýilleşdirilýär. Bu barada Russiýanyň daşary işler ministri Sergeý Lawrow özüniň gazagystanly kärdeşi Myrat Nurtleu bilen bilelikdäki metbugat maslahatynda beýan etdi - diýip, RF-nyň diplomatik edarasynyň saýty habar berýär.
Türkmenistanyň Prezidenti Serdar Berdimuhamedow Türkmenistanyň we Russiýanyň gahrymany, «Roskosmosyň» kosmonawtlar otrýadynyň komandiri Oleg Kononenkony Kosmonawtika güni bilen gutlady – diýip, TDH habar berýär.
Saud Arabystany döwlet ähmiýetli Arkadag şäheriniň infrastrukturasyna ýokary baha berdi – diýip, Türkmenistanyň daşary syýasat edarasynyň saýty habar berýär.
Türkmenistanyň Saud Arabystanyndaky ilçisi Orazmuhammet Çaryýew Aýlagyň arap döwletleriniň hyzmatdaşlyk Geňeşiniň baş sekretary Jasem Mohammad Albudaiwini Arkadag şäheriniň açylyşyna çagyrdy – diýip, Türkmenistanyň daşary syýasat edarasynyň saýty habar berýär.
Türkmenistanyň hökümeti we BMG 2021-2025-nji ýyllar üçin durnukly ösüş babatynda hyzmatdaşlygyň Çarçuwalaýyn maksatnamasynyň çäklerinde netijeler boýunça Bilelikdäki toparlaryň duşuşygyny geçirdiler. Bu barada BMG-niň Türkmenistandaky hemişelik wekilhanasynyň saýtynda habar berilýär.
Türkmenistan ýurduň Döwlet statistika komitetiniň ilat statistikasy bölüminiň başlygy Jahan Pygamowanyň adyndan BMG-niň Ilat we ösüş komissiýasynyň 56-njy sessiýasyna wekilçilik etdi - diýlip, Türkmenistanyň BMG-niň ýanyndaky hemişelik wekilhanasynyň saýtynda habar berilýär.
“Türkmenistanyň Prezidenti Serdar Berdimuhamedowyň Täjigistana resmi sapary belli bir möhlete yza süýşürildi” – diýip, Täjigistan Respublikasynyň Prezidentiniň metbugat gullugyna salgylanýan «Asia-Plus» saýty şenbe güni habar berdi.
