BAE-niň wise-prezidenti we premýer-ministri, şeýle hem Dubaýyň hökümdary şeýh Mohammed bin Raşid Al Maktum BAE-niň ýollarynda sürüjisiz ulag serişdelerini ulanmak üçin ilkinji ygtyýarnamany tassyklady.
Gazagystanyň paýtagty Astanada žurnalistleriň seýilgähi peýda boldy- diýip, Gazak halkara maglumatlar agentligi Kazinform habar berýär.
18-nji iýulda BMG-nyň Howpsuzlyk Geňeşi öz taryhynda ilkinji gezek emeli intellekt (EI) boýunça mejlis geçirer. Bu barada Beýik Britaniýanyň BMG-nyň ýanyndaky hemişelik wekili Barbara Wudword ýurduň BMG-nyň Howpsuzlyk Geňeşine başlyklyk edip başlamagyna bagyşlanan brifingde habar berdi.
Merkezi Aziýa ýurtlarynyň saglygy goraýyş ministrlikleri tarapyndan wekilçilik edilýän ýokar derejeli utgaşdyryjylar tarapyndan sebitde 2022-2025-nji ýyllarda saglygy we abadançylygy goldamak boýunça ýol kartasyna badalga berildi. Täjigistanyň paýtagtynda Bütindünýä saglygy goraýyş guramasy tarapyndan çagyrylan duşuşyk sebitde ilatyň saglygyny we abadançylygyny üpjün etmek, prosessi tizleşdirmek üçin maýa goýumlaryny çekmek maksady bilen bilelikdäki hereketleri ýerine ýetirmegiň we hyzmatdaşlar bilen hyzmatdaşlygy öňe sürmegiň meselelerini ara alyp maslahatlaşmak üçin meýdança boldy.
Serdar Berdimuhamedow Prezident Aleksandr Lukaşenkony Belarus Respublikasynyň Garaşsyzlyk güni bilen gutlady.
Beýik Britaniýanyň Ýewropa we Merkezi Aziýa işleri boýunça döwlet ministri Leo Doçerti resmi we işewür wekiller bilen bilelikde hyzmatdaşlyk meselelerini ara alyp maslahatlaşmak üçin Türkmenistana geler.
«Arkadag şäheri - akylly we ýaşyl tehnologiýalaryň şäheri» - bu at bilen 2-nji iýulda, ýekşenbe güni halkara konferensiýa geçirildi. Çäre, Türkmenistanyň Ministrler Kabinetiniň ýanyndaky Ulag we kommunikasiýalar agentligi tarapyndan Arkadag şäheriniň häkimligi bilen bilelikde gurnalyp, ol dabaraly açylyşyň ilkinji günlerinde wekilçilikli duşuşyklaryň, gepleşikleriň, köp ýurtlardan, halkara guramalardan we transmilli kompaniýalardan gelen daşary ýurtly myhmanlaryň gatnaşmagynda ylmy we amaly forumlaryň üns merkezine öwrüldi.
Prezident Serdar Berdimuhamedow Türkiýäniň Prezidenti Rejep Taýyp Ärdogan bilen geçiren telefon arkaly söhbetdeşliginiň dowamynda özüne we Halk Maslahatynyň Başlygy Gurbanguly Berdimuhamedowa iberilen "TOGG" kysymly elektromobiller üçin hoşallyk bildirdi.
Aziýa ösüş banky Türkmenistanda durnukly we inkýuziw durmuş goraglylyk ulgamyny döretmek işine gatnaşar. Munuň üçin halkara maliýe edarasy 1,1 million dollar maýa göňükdirer diýip, "Trend" habarlar agentligi mälim edýär.
Türkmenistanyň Halk Maslahatynyň Başlygy Gurbanguly Berdimuhamedow Saud Arabystanyna haj saparynyň barşynda Mekke şäherinde gurbanlyk sadakasyny berdi. Bu barada Türkmenistanyň resmi metbugaty habar berýär.
Arkadag şäheriniň waspy barha artýar we bu tejribe barada has köp zat öwrenmek üçin bütin dünýäde uly gyzyklanma bildirilýär - diýip, BMG-niň Türkmenistandaky hemişelik utgaşdyryjysy Dmitriý Şlapaçenko anna güni Türkmenistanyň täze şäherinde geçirilen halkara maýa goýum forumynda eden çykyşynda aýtdy.
Täze Arkadag şäherinde “Altyn Asyr” öýjükli aragatnaşygynyň 3G we 4G modelinde işleýän 20 sany beket gurlup ulanylmaga berildi, 20 müň korporatiw we hususy abonent üçin GPON tory hem-de goşmaça giňeltmek mümkinçiligi bilen 235 teleýaýlym üçin IP teleýaýlym ulgamy gurnaldy. Bu barada "Türkmenaragatnaşyk" agentliginiň başlygy Hajymyrat Hudaýgulyýew anna güni maýa goýum forumynda eden çykyşynda aýtdy.
Şu günler Türkmenistan, raçýatlaryň abadançylygyna we ýurdumyzda ekologiki ýagdaýyň gowulanmagyna gönükdirilen, sanly we ýaşyl tehnologiýalary utgaşdyrmagyň ajaýyp nusgasy we iň iri milli taslamalaryň biri bolan akylly Arkadag şäheriniň açylmagyny giňden gutlaýar.
Arkadag şäheriniň häkimi Şamuhammet Durdylyýew halkara maýa goýum forumynda çykyş edip, maýa goýujylary ýurdumyzyň milli ähmiýetli ilkinji şäheriniň innowasiýa taslamalaryna gatnaşmaga çagyrdy.
Türkmenistanyň Senagatçylar we telekeçiler birleşmesi tarapyndan gurnalan «Arkadag - akylly şäher» halkara maýa goýum forumy öz işine başlady.
