Astanada Aziýada we Aziýa bilen hyzmatdaşlygyň esasy ugurlaryna garalýar
13-nji iýulda Astana şäherinde işe başlan Howpsuzlyk we hyzmatdaşlyk boýunça Merkezi Aziýa forumynyň ilkinji gününde bilermenler görlüp-eşidilmedik geosyýasy dartgynlyk, howanyň üýtgemegi we suw krizisi döwründe hyzmatdaşlygy güýçlendirmegiň ýollaryna, şeýle hem terrorçylyga garşy göreş boýunça tagallalara we halkara guramalaryň özgertmelerine garadylar.
Maslahatda çalt üýtgeýän geosyýasy gurşawda iň çylşyrymly ýagdaýlary çözmek üçin umumy pikir tapmakda halkara jemgyýetçiliginiň öňünde durýan ýiti wezipe beýan edildi.
Howpsuzlyk we hyzmatdaşlyk boýunça Merkezi Aziýa forumy 25 ýurtdan dünýäniň öňdebaryjy barlag merkezleriniň görnükli alymlaryny we syýasatçylaryny bir ýere jemledi. Bu çärä Ermenistan, Azerbaýjan, Belgiýa, Hytaý, Hindistan, Indoneziýa, Ýaponiýa, Gyrgyzystan, Mongoliýa, Russiýa, Singapur, Günorta Koreýa, Täjigistan, Türkmenistan, Türkiýe, ABŞ we Özbegistan ýaly döwletlerden 60-dan gowrak halkara spikerler gatnaşýar.
Forumda çykyş etmek üçin çagyrylan myhmanlaryň arasynda BMG-niň Baş sekretarynyň orunbasary, Terrorçylyga garşy göreş müdirliginiň başlygy Wladimir Woronkow, Ýewropa Bileleşiginiň Merkezi Aziýa boýunça ýörite wekili Teri Hakala, Ýaponiýanyň Syýasy barlaglar milli institutynyň wise-prezidenti Naruşige Miçişita, Eýranyň Daşary işler ministriniň orunbasary, ministrligiň Syýasy we halkara barlaglar institutynyň prezidenti Muhammet Hasan Şeýh Al Islami, Kataryň Jorjtaun uniwersitetiniň döwlet syýasaty boýunça professory Mehran Kamrawa we başgalar bar.
ORIENT news
