Ýaponiýanyň gaznasy Türkmenistanyň Döwlet kitaphanasyna 150-den gowrak kitap berdi
Ýaponiýanyň daşary işler ministriniň parlament işleri boýunça orunbasary Ýuumi Ýeşikawa Türkmenistanyň Döwlet medeniýet merkeziniň döwlet kitaphanasyna iňlis dilindäki 156 sany kitaby dabaraly gowşuryş çäresine gatnaşdy. Bu kitaplar ýapon halkynyň medeniýeti, taryhy we ykdysadyýeti baradadyr diýip, Türkmenistanyň resmi metbugaty habar berýär.
Mundan ozal, diplomatik gatnaşyklaryň ýola goýulmagynyň 30 ýyllygy mynasybetli Ýaponiýanyň Hökümeti şeýle kitaplaryň 53-sini Halkara ynsanperwer ylymlary we ösüş uniwersitetine sowgat beripdi. Ýaponiýa baradaky maglumatlary özünde jemleýän şeýle kitaplaryň birnäçesi ýakynda Türkmenistanyň Daşary işler ministrliginiň Halkara gatnaşyklary institutyna hem berildi.
Kitaplar “The Nippon Foundation” gaznasynyň ýardamy bilen “Read Japan Project: taslamasynyň çäklerinde türkmen tarapyna berildi. Şeýle hem, Ýaponiýanyň daşary işler ministriniň parlament işleri boýunça orunbasary Ýuumi Ýeşikawanyň Türkmenistana saparynyň çäklerinde ýurdumyzyň daşary işler ministri bilen duşuşygy geçirildi.
ORIENT news
