Türkmen wekiliýeti Türkmenistanyň Mejlisiniň halkara we parlamentara aragatnaşyklary boýunça Komitetiniň başlygy Begmyrat Muhamedowyň baştutanlygynda ÝHHG-nyň her ýylky geçirilýän Parlament Assambleýasynyň Wankuwer şäherinde, Kanadada geçen 30-njy sessiýasyna gatnaşdy. Bu barada Türkmenistanyň daşary syýasat edarasynyň saýtynda habar berilýär.
Gazagystan Howpsuzlyk we hyzmatdaşlyk boýunça ilkinji Merkezi Aziýa forumyny gurnaýar, ol 13-14-nji iýulda Astana şäherinde geçiriler. Forumda Aziýanyň geljekdäki depginine, şol sanda global we sebit syýasaty, ykdysadyýeti, adam kapitaly, howanyň üýtgemegi, sanly üýtgeşmeler we dolandyryş ugurlaryna garalar. Ol öňdebaryjy halkara hünärmenleri, şeýle-de 30-a golaý ýurtdan hökümet we işewürler toparlarynyň wekillerini birleşdirer.
Aşgabatda Merkezi Aziýada neşe serişdeleriniň ýaýradylmagynyň öňüni almak boýunça Maksatnamanyň 7-nji tapgyrynyň (CADAP 7) Dolandyryjy toparynyň Ikinji mejlisi geçdi. Bu barada Maksatnamanyň resmi saýtynda habar berilýär.
Russiýanyň döwlet maglumatlar agentligi TASS-da baş direktor çalyşdy- diýlip, agentligiň saýtynda habar berilýär. Degişli buýruga RF-nyň premýer-ministri Mihail Mişustin gol çekdi.
ABŞ-nyň aeronawtika we älem giňişligini barlag etmek boýunça Lindon Jonson adyndaky Milli müdirliginiň Älem merkezinde adamlaryň Marsdaky ýaly şertlerde ýerleşmegini simulirlemek boýunça synaga badalga berdiler.
Belorus Ýewraziýa ykdysady komissiýasyna «Ýewraziýa elektrobusy» döwletara maksatnamasyny işläp düzmek boýunça teklibi hödürledi. Bu barada Ýewraziýa ykdysady komissiýasynyň senagat syýasaty Bölüminiň müdiri Nikolaý Rogožnik komissiýanyň Kollegiýasynyň mejlisinde habar berdi.
5-6-njy iýulda Bakuda Goşulmazlyk hereketiniň Utgaşdyryjy býurosynyň ministrleriniň mejlisi geçirilýär. Iki günlük duşuşygyň esasy mowzugy –"Goşulmazlyk hereketi: geljekdäki kynçylyklara garşy durmakda bitewilik we sarsmazlyk".
Şanhaý Hyzmatdaşlyk Guramasynyň agzalary, synçy ýurtlar – Türkmenistanyň köpýyllyk hyzmatdaşlary, goňşulary we dostlary, şonuň üçin ŞHG bilen gepleşikler ýurdumyz üçin ikitaraplaýyn gatnaşyklarda bolşy ýaly, sebitleýin we global derejedäki meselelere gatnaşmagyň logiki ösüşidir. Bu barada Prezident Serdar Berdimuhamedow sişenbe güni ŞHG agza ýurtlaryň döwlet baştutanlarynyň geňeşiniň mejlisinde başlyklyk edýän ýurt - Hindistan tarapyndan çagyrylan myhman hökmünde wideoaragatnaşyk arkaly eden çykyşynda aýtdy.
Türkmenistan baý gün çeşmelerinden we tebigy gaz gorlaryndan peýdalanyp, durnukly we ekologiýa taýdan arassa energiýa geljegini formirlemekde öz mümkinçiliklerini doly ulanmagy maksat edinýär. Ýurdumyz 2030-njy ýyldan başlap, ortamöhletleýin geljekde bug gazlarynyň zyňyndylarynyň nol derejesini gazanmagy we uzakmöhletleýin döwürde zyňyndylaryň derejesini ýyllyk görkezijide düýpli azaltmagy meýilleşdirýär. Bu barada Türkmenistanyň Belgiýadaky ilçisi Sapar Pälwanow sişenbe güni Brýusseliň Energetika kluby tarapyndan gurnalan "Merkezi Aziýa üçin arassa energiýanyň geljegi" atly maslahatda eden çykyşynda belläp geçdi.
Tunis Respublikasynyň Türkmenistandaky Adatdan daşary we Doly ygtyýarly ilçisi Tarak Ben Salem sişenbe güni Mejlisiň Başlygy Dünýägözel Gulmanowa ynanç hatlaryny gowşurdy. Milli parlamentiň ýolbaşçysy diplomaty Türkmenistanyň Baştutanynyň adyndan jogapkärli wezipä bellenilmegi bilen gutlap, iki döwletiň arasyndaky dostlukly gatnaşyklary pugtalandyrmaga gönükdirilen asylly işinde üstünlikleri arzuw etdi.
Tunis Respublikasynyň Türkmenistandaky ilçisi (Moskwada ýaşaýan) Tarek Ben Salem 4-nji iýulda Türkmenistanyň Daşary işler ministriniň orunbasary Berdiniýaz Mätiýewe ynanç hatynyň nusgalaryny gowşurdy.
Prezident Serdar Berdimuhamedow Türkmenistanyň Şanhaý Hyzmatdaşlyk Guramasynyň ykdysady taslamalaryna gatnaşmaga taýýardygyny mälim etdi.
Tatarstanyň Pestreçin raýonynyň Şali obasynyň golaýynda «Ýüpek ýoly» halkara ýörişiniň çäklerinde synag girişleri boldy. Ol 5-nji iýuldan 15-nji iýul aralygynda geçer. Toparlar öz tehnikasynyň başlama taýýarlygyny synag etdiler.
Şanhaý hyzmatdaşlyk guramasynyň döwletleriniň baştutanlarynyň Geňeşiniň nobetdaky mejlisinde çykyş etmek bilen, Täjigistanyň prezidenti Emomali Rahmon ŞHG-ny mundan beýläk-de giňeltmegiň konsepsiýasyny işläp düzmegi teklip etdi- diýip, BelTA habar berýär.
Türkmenistanyň Prezidenti Serdar Berdimuhamedow Amerikanyň Birleşen Ştatlarynyň Prezidenti Jozef Baýdeni ABŞ-nyň Garaşsyzlyk güni bilen gutlady.
