Türkmenistan bilen Braziliýa BMG-niň düzümlerinde geçiriljek saýlawlarda birek-biregi goldamaga taýýardyr
Türkmenistanyň BMG-daky hemişelik wekili Aksoltan Ataýewa kärdeşi, Braziliýanyň BMG-däki hemişelik wekili Serjio Fransiýa Danes bilen duşuşdy.
Türkmenistanyň BMG-daky (Nýu-Ýork) wekilhanasynda geçirilen duşuşykda iki döwletiň arasyndaky hyzmatdaşlygyň geljegi, şeýle hem halkara guramalarynyň çäklerinde, hususan-da Milletler Bileleşigi bilen özara gatnaşygy ara alnyp maslahatlaşyldy.
Duşuşygyň dowamynda BMG-niň düzümlerinde ýakyn wagtda geçiriljek saýlawlaryň mümkinçiliklerine garaldy. Mundan başga-da, taraplar 2024-nji ýylyň başynda Türkmenistanyň we Braziliýanyň Daşary işler ministrlikleriniň arasynda syýasy geňeşmeleri guramagy ara alyp maslahatlaşdylar, bu barada anna güni Türkmenistanyň hemişelik wekilhanasynyň web sahypasynda habar berildi.
Diplomatlar iki ýurt üçin aýratyn gyzyklanma döredýän başlangyçlara özara goldaw bermek däbini dowam etdirmäge taýýardyklaryny mälim etdiler, şeýle hem özara ileri tutulýan ugurlara ýetmek we Türkmenistan bilen Braziliýanyň arasyndaky köptaraplaýyn gatnaşyklary has çuňlaşdyrmak üçin işjeň hyzmatdaşlyk etmek isleýändiklerini tassykladylar.
ORIENT news
