Türkmenistan we Pakistan infrastruktura taslamalaryny durmuşa geçirmegi meýilleşdirýärler
Türkmenistanyň Pakistandaky ilçisi Atajan Mowlamow penşenbe güni Yslamabatda Pakistanyň Federal Söwda we senagat ministri doktor Gohar Ejaz bilen duşuşdy diýip, Associated Press of Pakistan habar berýär.
Gepleşikleriň esasy mowzugy – özara peýdaly infrastruktura taslamalarynyň durmuşa geçirilmegi, gaz geçirijileriniň gurluşygy, demir ýollaryň we söwda ýollarynyň gurulmagy we üstaşyr söwdany işjeňleşdirmek boldy.
Türkmen diplomaty ikitaraplaýyn hyzmatdaşlygyň uly mümkinçiligini belläp, pakistanyň kompaniýalaryny Arkadag şäheriniň gurluşyk taslamasyna gatnaşmaga çagyrdy. Ol, Pakistandan gurluşyk materiallaryny we enjamlaryny eksport etmegiň geljegini belläp geçdi.
Şeýle hem taraplar, ykdysady pudagynyň ikitaraplaýyn we sebitleýin hyzmatdaşlykda geljegi ulydygyny bellediler. «Söwda ýollaryny açmak we işewür gatnaşyklary giňeltmek biziň esasy wezipämizdir», -diýip Pakistanyň ministri nygtady.
ORIENT news
