Baş Assambleýa Hytaý Halk Respublikasy we Özbegistan Respublikasy tarapyndan işlenip düzülen «Medeniýetleriň arasynda dialogyň halkara güni» atly Kararnamany biragyzdan tassyklady diýip, Özbegistanyň Daşary işler ministrligi habar berýär.
Anna güni, 7-nji iýunda, Türkmenistanyň Döwlet haryt-çig mal biržasynyň söwdalarynda «Türkmenpagta» döwlet konserniniň we «Türkmenhaly» döwlet birleşiginiň önümleri ýerlenildi.
5-6-njy iýunda Aşgabatda energetika pudagynyň möhüm meselelerine bagyşlanan «Uglewodorod ýataklaryny özleşdirmekde innowasion tehnologiýalary ornaşdyrmagyň ekologik jähetleri» atly halkara ylmy-amaly maslahat geçirildi.
28-29-njy maýda Daşkende Azerbaýjanyň, Gruziýanyň, Gyrgyzystanyň, Türkmenistanyň, Türkiýäniň we Özbegistanyň demirýol edaralarynyň wekilleriniň duşuşygy geçirildi.
4 – 6-njy iýuna çenli Türkmenistanyň Döwlet daşary ykdysady iş bankynda ISO20022 standartyny ornaşdyrmk boýunça üç günlük okuw maslahaty geçirildi.
Penşenbe güni, 6-njy iýunda, Türkmenistanyň Döwlet haryt-çig mal biržasynyň söwdalarynda «Gabardin» çig nah mata uly islegden peýdalandy.
Türkmenistanyň Daşary işler ministriniň orunbasary Ahmet Gurbanow bilen Belgiýanyň Daşary işler ministrliginiň köptaraplaýyn meseleler we ählumumylaşma boýunça baş syýasy direktorynyň wezipesini ýerine ýetiriji Gislen D’Hupyň arasynda duşuşyk geçirildi.
2024-nji ýylyň 5-nji iýunynda Brýussel şäherinde syýasy we howpsuzlyk meseleleri boýunça ÝB-Merkezi Aziýa ýokary derejeli dialogynyň 11-nji mejlisi geçirildi. Tükmenistanyň wekiliýetine Türkmenistanyň Daşary işler ministriniň orunbasary Ahmet Gurbanow ýolbaşçylyk etdi.
«Ekspoforum» maslahat-sergi merkezinde dünýäniň iň iri we iň möhüm işewürlik wakalarynyň biri bolan Peterburg halkara ykdysady forumy öz işine başlady.
Düýbi Lýuksemburgda ýerleşýän «Cargolux» ýük awiakompaniýasy Türkmenistana amala aşyrýan uçuşlarynyň sanyny artdyrmagy meýilleşdirýändigini yglan etdi.
Paýtagtymyzda «Energetika mümkinçilikleri, täze tehnologiýalar we uglewodorod ýataklaryny özleşdirmegiň ekologik jähtleri» atly halkara ylmy maslahat öz işine başlady.
Azerbaýjanda XVIII asyryň görnükli türkmen akyldary we şahyry Döwletmämmet Azadynyň döredijiligi barada azerbaýjan we rus dillerinde neşir edilen ««Вагзы-Азат»: вчера, сегодня, завтра. Об утопическом или реальном мире рассуждал Довлетмаммед Азади?» atly kitabyň tanyşdyrylyş dabarasy boldy. Bu kitaby meşhur azerbaýjan publisisti, syýasatşynas, CBC teleýaýlymynda gepleşigiň alyp baryjysy Teýmur Ataýew ýazdy, diýip АЗЕРТАДЖ habar berýär.
2024-nji ýylyň maý aýynyň ahyrynda Ukrainanyň meşhur “Kyiv Diplomatic” žurnalynyň nobatdaky sanynda Türkmenistanyň milli şahyry, dünýä edebiýatynyň görnükli wekili, türkmen nusgawy edebiýatyny we edebi dilini esaslandyryjy Magtymguly Pyragynyň ýubileýine bagyşlanan “Pähim paýhas ummany Magtymguly Pyragy: görnükli türkmen şahyrynyň we akyldarynyň 300 ýyl dönümi” ady bilen giň göwrümli makala çap edildi. Makala Türkmenistanyň Ukrainadaky Ilçihanasy tarapyndan taýýarlanyldy.
Sişenbe güni, 4-nji iýunda, Türkmenistanyň Döwlet haryt-çig mal biržasynyň söwdalarynda ýeňil senagat we nebithimiýa pudagynyň önümleri ýerlenildi.
Türkmenistanyň Awstriýadaky ilçihanasy Bütindünýä welosiped güni mynasybetli welosipedli ýöriş gurady. Bu baýram Türkmenistan tarapyndan teklip edilen we BMG-niň Baş Assambleýasynyň kabul eden Kararnamasyna laýyklykda, 2018-nji ýyldan bäri bellenilýär.
