Türkmenistanyň Saglygy goraýyş we derman senagaty ministrliginiň hem-de BSGG-niň Türkmenistandaky wekilhanasynyň wekilleri saglygy goraýşyň maglumat ulgamlarynyň sanlylaşdyrylmagyny goldamak boýunça okuwlara gatnaşýarlar. Bu çäre Berlinde geçirilip, Ýewropa Bileleşigi tarapyndan maliýeleşdirilýär.
Türkmenistanyň Katar Döwletindäki ilçisi Myratgeldi Seýitmämmedow Katar Döwletiniň Söwda–senagat edarasynyň baş direktory Ali Saeed Bu Sharbak Al Mansori bilen duşuşdy.
8-nji iýulda duşenbe güni, Türkmenistanyň Döwlet haryt-çig mal biržasynyň söwdalarynda float aýnasyna isleg bildirildi.
Türkmenistanyň Katar Döwletindäki ilçisi Myratgeldi Seýitmämmedowyň «Al Sharq» gazetinde türkmen halysyna bagyşlanan makalasy çap edildi.
9-njy iýulda, şişenbe güni, Kasym-Žomart Tokaýew Gazagystanyň Türkmenistandaky täze ilçisi Nurlan Nogaýewi kabul etdi. Gazagystan Respublikasynyň Prezidenti doganlyk Türkmenistan bilen dostlukly, hoşniýetli goňşuçylyk we strategiki hyzmatdaşlygy has-da berkitmegiň möhümdigini aýtdy.
Gazagystanyň Prezidenti Kasym-Žomart Tokaýew emeli aňyň kömegi bilen «Uly türki dil modelini» işläp düzmegi teklip etdi. Bu başlangyç Türki döwletleriň guramasynyň Şuşada geçirilen resmi däl sammitinde öňe sürüldi diýip, Gazagystanyň halkara habarlar agentligi Prezidentiň kabulhanasyna salgylanyp habar berýär.
Sentýabr aýynda Wengriýada geçiriljek 45-nji Bütindünýä küşt olimpiýadasyna taýýarlyk görmek üçin Türkmenistanyň erkekler we zenanlar ýygyndysy Türkiýäniň Antalýa şäherinde okuw-türgenleşigini geçýärler. 1-nji iýuldan 12-nji iýul aralygynda dowam etjek okuw-türgenleşigine halkara grossmeýster Wasiliý Iwançuk ýolbaşçylyk edýär. Ol küşt oýnunyň rapid (2016) we blis (2007) görnüşi boýunça dünýä çempiony, dört gezek küşt olimpiýadasynda ýeňiji boldy, ýagny iki gezek SSSR toparynyň düzüminde (1988, 1990) we iki gezek Ukrainanyň milli ýygyndysynyň düzüminde (2004, 2010) çempion boldy, 2001-2002-nji ýyllar aralygyndaky FIDE dünýä çempionatynyň finalyna çykdy we üç gezek dünýä reýtinginde ikinji orny eýeledi (1991-nji ýylyň iýuly, 1992-nji ýylyň iýuly we 2007-nji ýylyň oktýabr aýy).
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 28-si hasaba alyndy.
4-nji iýulda, penşenbe güni, Türkmenistanyň Döwlet haryt-çig mal biržasynyň söwdalarynda oba hojalyk, dokma we nebithimiýa önümlerine uly isleg bildirildi.
5-nji iýulda, anna güni Türkmenistanyň Döwlet haryt-çig mal biržasynyň söwdalarynda “Türkmennebit” döwlet konserniniň önümlerine uly isleg bildirildi.
BMG-niň Baş sekretary Antoniu Guterriş Türkmenistana resmi saparynyň dowamynda Türkmenistanyň Prezidenti Serdar Berdimuhamedow bilen duşuşdy. BMG-niň ýolbaşçysy Merkezi Aziýa üçin öňüni alyş diplomatiýasy boýunça sebit merkeziniň Aşgabatda ýerleşdirilendigi üçin hoşallyk bildirdi hem-de Türkmenistanyň alyp barýan bitaraplyk syýasatyna ýokary baha berdi.
Prezident Serdar Berdimuhamedow Masud Pezeşkiana Eýran Yslam Respublikasynyň Prezidenti wezipesine saýlanmagy mynasybetli tüýs ýürekden gutlaglaryny we iň gowy arzuwlaryny iberdi.
Şu gün Aşgabada saparynyň çäklerinde Birleşen Milletler Guramasynyň Baş Sekretary Antoniu Guterriş BMG-niň Türkmenistandaky Merkezi wekilhanasynyň täze binasynyň açylyş dabarasyna gatnaşdy.
5-nji iýulda Birleşen Milletler Guramasynyň Baş sekretary Antoniu Guterriş türkmen paýtagtyna resmi sapar bilen geldi. Aşgabadyň Halkara howa menzilinde belent mertebeli myhmany türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow garşylady. Bu barada “Watan” habarlar gepleşiginde aýdylýar.
Minskde geçirilen Garaşsyz Döwletleriň Arkalaşygyna agza döwletleriň Arkalaşygyň Tertipnamalaýyn we beýleki edaralarynyň ýanyndaky hemişelik doly ygtyýarly wekilleriniň Geňeşiniň nobatdaky mejlisinde GDA ýurtlarynyň hemişelik wekilleri 24-nji maýda Aşgabatda geçirilen Arkalaşygyň Hökümet Baştutanlarynyň Geňeşiniň nobatdaky mejlisiniň jemini jemlediler. Bu barada Arkalaşygyň Ýerine ýetiriji komitetiniň metbugat gullugy habar berýär.
