Türkmenistan Gazagystanyň Almaty şäherinde geçirilen Merkezi Aziýa ýurtlarynyň söwda amallaryny ýeňilleşdirmek boýunça milli komitetleriniň 11-nji sebitleýin ýygnagyna gatnaşdy.
Türkmenistanyň Prezidentiniň ýanyndaky Döwlet gullugy akademiýasynyň 1-nji ýyl talyby Pürli Rasulow Aziýanyň, Afrikanyň we Ýuwaş ummany sebitiniň 56 ýurdunyň wekilleri bilen birlikde Pekin uniwersitetinde geçirilýän döwlet dolandyrylyşy boýunça gysga möhletli okuw maslahatyna gatnaşýar.
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň jemi bahasy ABŞ-nyň 77 million 668 müň dollaryndan gowrak boldy diýip, Türkmenistanyň Döwlet habarlar agentligi habar berýär.
Anadolynyň baý gastronomiki medeniýetini öz içine alýan Türk aşhanasynyň hepdeligi 2024-nji ýylyň 21-nji maýyndan 27-nji maýyna çenli bütin dünýäde belleniler. Hepdeligiň dowamynda dünýä belli bu aşhananyň tagamly, sagdyn milli we galyndysyz naharlary Türkiýe Respublikasynyň daşary ýurtlardaky wekilhanalarynda geçiriljek dürli çärelerde hödürlener.
28-nji iýunda Eýranda nobatdan daşary Prezident saýlawlaryny geçirmek meýilleşdirilýär. Bu barada Eýran Yslam Respublikasynyň Saýlawlar merkeziniň metbugat sekretary Mohsen Eslami habar berdi.
Belgiýanyň Brýussel şäherinde Ýewropa Bileleşiginiň “Global Gateway” başlangyjynyň mümkinçilikleri we Hazar üsti halkara ulag geçelgesiniň ähli mümkinçiliklerinden peýdalanmak boýunça “tegelek stol” maslahaty geçirildi. Çärä Ýewropa Komissiýasynyň, ÝB-niň ulag meseleleri boýunça baş müdirliginiň, Ýewropanyň daşarky hereket gullugynyň we ÝB-niň beýleki guramalarynyň ýolbaşçylary, şol sanda Türkiýäniň, Azerbaýjanyň, Rumyniýanyň, Gazagystanyň, Türkmenistanyň diplomatik wekilhanalarynyň ýolbaşçylary, ulag we logistika kompaniýalary ulgamyndaky dürli barlag guramalarynyň ýolbaşçylary gatnaşdylar.
Her ýyl dürli ýurtlardan media hünärmenlerini bir ýere jemleýän Astrahandaky Hazar mediaforumy 2024-nji ýylyň awgust aýynda geçiriler. Forumyň mowzugy «Medeniýetleriň dialogy Hazar sebitiniň ösüşleriniň esasy hökmünde» bolar diýip, Astrahan oblastynyň medeniýet ministri Olga Prokofýewa «Russiýa – Yslam dünýäsi: KazanForum» forumynda aýtdy diýip, TASS habar berýär.
«Russiýa – Yslam dünýäsi: KazanForum» forumynyň çäklerinde «Kazan» obasenagat parkynda «Kazan Halal Market» halkara ýarmarkasy açyldy. Bu barada «Tatar-inform» habarlar agentligi habar berýär.
17-nji maýda, Anna güni, Türkmenistanyň Döwlet haryt-çig mal biržasynyň söwdalarynda nebithimiýa we dokma önümleri ýerlenildi.
Türkmenistan, Eýran Yslam Respublikasynyň Prezidentiniň dikuçaryny gözlemekde Eýrana kömek bermäge taýýardygyny mälim etdi. “Türkmenistan Eýrana Gündogar Azerbaýjan welaýatynda dikuçaryň «kynçylykly gonmagy» sebäpli zerur bolan kömegi bermäge taýýar” – diýip Türkmenistanyň Daşary işler ministrliginiň metbugat gullugy habar berýär.
Russiýanyň Medeniýet ministrligi ýakyn wagtda Mariinskiý we Bolşoý teatrlarynyň başlygy maestro Waleriý Gergiýewiň ýakyn wagtda Türkmenistana gastrolynyň bolmagyna garaşýar.
18-nji maýda, şenbe güni Prezident Serdar Berdimuhamedow akyldar şahyr Magtymguly Pyragynyň doglan gününiň 300 ýyllygyna, Türkmenistanyň Konstitusiýasynyň we Döwlet baýdagynyň gününe bagyşlanyp geçirilýän baýramçylyk dabaralaryna gatnaşmak üçin Aşgabada gelen Hytaýyň Halk syýasy konsultatiw geňeşiniň Ählihytaý komitetiniň başlygynyň orunbasary hanym Şen Ýueýueni kabul etdi.
18-nji maýda Türkmenistanyň Konstitusiýasynyň we Döwlet baýdagynyň güni bellenildi. Aşgabatda hormatly Prezidentimiz Serdar Berdimuhamedowyň gatnaşmagynda Konstitusiýa binasyna hem-de ýurdumyzyň Baş baýdagyna gül goýmak dabaralary geçirildi.
17-nji maýda, anna güni türkmen paýtagtynda Magtymguly Pyragynyň ýadygärliginiň hem-de beýik türkmen şahyrynyň adyny göterýän medeni-seýilgäh toplumynyň аçylyş dabarasy boldy.
Brýusselde Merkezi Aziýanyň, Mongoliýanyň we Karib deňziniň ýurtlarynyň diplomatik wekilhanalarynyň ýolbaşçylarynyň ilkinji resmi däl duşuşygy geçirildi, bu duşuşygy taryhy diýip atlandyrmak bolar. Belgiýada işleýän Merkezi Aziýa ýurtlarynyň we Mongoliýanyň ilçileriniň başlangyjy esasynda geçirilen duşuşyk sebitara hyzmatdaşlygyň täze tapgyryny aňladyp, söwda-ykdysady we pudaklaýyn hyzmatdaşlygyny giňeltmekde tejribe alyşmaga, şeýle hem sebitara we sebitiň ýurtlarynyň arasyndaky gatnaşyklary pugtalandyrmaga gönükdirildi.
