Moskwanyň biržasy 27-nji iýunda walýuta bazarynda Özbegistanyň sumynyň, Ermenistanyň dramynyň we Günorta Afrika Respublikasynyň rendiniň söwdasyna başlar. Bu barada söwda meýdançasyna salgylanýan Russiýanyň “Praým” ykdysady maglumatlar agentligi habat berýär.
Duşenbe güni, 20-nji iýunda Türkmenistanyň Döwlet haryt-çig mal biržasynyň söwdalarynda Hindistanyň we Gazagystanyň telekeçileri dürli görnüşli nah ýüplükleri satyn almaga geleşikleri baglaşdylar diýip, ORIENT-iň habarçysy habar berýär.
Türkmenistanyň Merkezi banky kiçi we orta telekeçiligiň subýektlerine hususy programma önümlerini döretmek üçin karzlary bermegiň Tertibini işläp taýýarlady.
Geçen hepde Türkmenistanyň Döwlet haryt-çig mal biržasynyň söwdalarynda umumy bahasy $23,1 million we 8 million manatlyk geleşikleriň 24-si baglaşyldy diýip, ORIENT-iň habarçysy habar berýär.
Russiýanyň nebitiniň eksport pajy 1-nji iýuldan 10,4 dollar gymmatlar we 1 tonna üçin 55,2 dollar bolar. Bu barada Russiýa Federasiýasynyň Maliýe ministrligine salgylanýan KHBS habar berýär. Häzirki wagtda nebitiň eksport pajy 1 tonna üçin 44,8 dollardyr.
Gazagystanyň kükürdi ýüklenen Gazagystan-Türkmenistan-Eýran-Türkiýe ugry boýunça ilkinji konteýner otlusy Tährana geldi. Häzirki wagtda ol ýerde Türkmenistanyň Prezidenti Serdar Berdimuhamedowyň Eýranyň paýtagtyna amala aşyran saparyndan birnäçe gün soň sapar bilen baran Gazagystanyň Prezidenti Kasym-Jomart Tokaýew bar.
Anna güni, 17-nji iýunda Türkmenistanyň Döwlet haryt-çig mal biržasynyň söwdalarynda umumy nahasy $3,7 million bolan 6 geleşik baglaşyldy diýip, ORIENT-iň habarçysy habar berýär.
Aşgabat gazna biržasynda (AGB) 2022-nji ýylyň başyndan bäri satylan bahaly paýnamalaryň möçberi 40 million manatdan geçdi. Muňa AGB-niň resmi saýtynda ýerleşdirilen maglumatlar şaýatlyk edýär.
“GDA-nyň çäklerinde netijeli ysnyşykly hereketler iri ulag we energetika taslamalary amala aşyrylýan giňişlik hökmünde täze anyk ýagdaýlarda ösüşiň kuwwatly itergisine öwrülip biler” diýip, Türkmenistanyň Maliýe we ykdysadyýet ministri Muhammetgeli Serdarow penşenbe güni Peterburgda geçýän Halkara ykdysady forumynda aýtdy.
Işgärleriniň aglaba köpüsi ýaşlardan ybarat bolan kompaniýalar döwlet tarapyndan berilýän ýeňilliklere bil baglap bilerler.
Çarşenbe güni, 15-nji iýunda Türkmenistanyň Döwlet haryt-çig mal biržasynyň söwdalarynda umumy bahasy $5,9 million we 385 müň manada barabar bolan 8 geleşik baglaşyldy diýip, ORIENT-iň habarçysy habar berýär.
Türkmenistan Eýranyň energiýa ulgamy arkaly türkmen elektrik energiýasyny üçünji ýurtlara ibermäge başlamagy teklip edýär. Bu barada Tähranda çarşenbe güni hökümet wekiliýetleriniň gatnaşmagynda iki ýurduň Prezidentleriniň gepleşikleriniň barşynda aýdyldy.
Aşgabat gazna biržasynyň we ABŞ-nyň Halkara ösüş boýunça guramasynyň (USAID) wekilleri Türkmenistanda gymmatly kagyzlar bazaryny ösdürmegiň meýilnamalary barada gürrüň berdiler.
Türkmenistan bilen Eýranyň arasynda söwda-ykdysady hyzmatdaşlygy giňeltmek we haryt dolanyşygynyň möçberini artdyrmak ýokary derejedäki gepleşikleriň meselesi boldy diýip, Türkmenistanyň Prezidenti Serdar Berdimuhamedow eýranly kärdeşi Ibragim Raisi bilen geçirilen duşuşugyň netijelerine bagyşlanan brifingde gürrüň berdi diýip, Mehr agentligi habar berýär.
Sişenbe güni türkmen wekiliýeti Eýranyň Nebit ministrliginde duşuşyk geçirdi. Duşuşykdan soň pudagyň başlygy Jawad Owji eýranly habarçylara gepleşikleriň mazmuny barada gürrüň berdi.
