Ýokary derejedäki gepleşiklerde Türkmenistan bilen Eýranyň arasynda haryt dolanyşygynyň artdyrylmagy ara alnyp maslahatlaşyldy
Türkmenistan bilen Eýranyň arasynda söwda-ykdysady hyzmatdaşlygy giňeltmek we haryt dolanyşygynyň möçberini artdyrmak ýokary derejedäki gepleşikleriň meselesi boldy diýip, Türkmenistanyň Prezidenti Serdar Berdimuhamedow eýranly kärdeşi Ibragim Raisi bilen geçirilen duşuşugyň netijelerine bagyşlanan brifingde gürrüň berdi diýip, Mehr agentligi habar berýär.
Türkmen Lideri, döwlet Baştutanlarynyň gepleşiklerde energetika we ulag ýaly strategik taýdan möhüm pudaklarda gatnaşyklary ösdürmek meselelerine hem uly üns berendiklerini aýtdy. Taraplar iki ýurduň arasynda medeni-ynsanperwer gatnaşyklaryň giňeldilmegi ugrunda hem çykyş etdiler.
Duşuşygyň dowamynda Serdar Berdimuhamedow Ibragim Raisini Hazarýaka ýurtlarynyň Baştutanlarynyň şu ýyl geçiriljek altynjy Sammitine gatnaşmak üçin Türkmenistana gelip görmäge çagyrdy.
Gepleşikleriň ýene-de bir meselesi Owganystandaky ýagdaýlar barada boldy diýip, türkmen Lideri aýtdy. Türkmenistan we Eýran Owganystanyň gülläp ösýän döwlet bolmagyny hem-de möhüm milli we sebit taslamalaryna gatnaşyp bilmegini isleýärler diýip, Prezident Berdimuhamedow aýtdy.
ORIENT news
