Ýaş işgärleri bolan kompaniýalar ýeňilliklerden peýdalanyp bilerler
Iýun 16, 2022 | 23:37 |11131
Işgärleriniň 75%-den gowragy ýaşlardan ybarat bolan kompaniýalar döwlet tarapyndan berilýän ýeňilliklere bil baglap bilerler.
– “Ýaşlar barada döwlet syýasaty hakynda” Türkmenistanyň Kanunyna degişli goşmaça bendi goşmagy Milli Geňeşiň Halk Maslahatynyň Başlygy Gurbanguly Berdimuhamedow teklip etdi – diýip, resmi metbugat ýazýar.
Bu üýtgetme ýaşlaryň arasynda telekeçiligi ösdürmek we ýaýbaňlandyrmak işine, olaryň işgär hökmünde hususy pudaga çekilmegine ýardam berer, kärhanalary bolsa, işe alynýan ýaş hünärmenleriň sanyny artdyrmaga höweslendirer.
Işgärler düzümi, esasan ýaşlardan ybarat bolan kompaniýalar aýratyn derejeli “ýaşlar kärhanasy” diýlip atlandyrylar.
ORIENT news
