Awstriýanyň 500 golaý kompaniýasy Merkezi Aziýa ýurtlarynda, şol sanda Türkmenistanda, Gazagystanda, Täjigistanda, Özbegistanda we Gyrgyzystanda işjeň işleýärler – diýip, Awstriýanyň Gazagystandaky söwda attaşesi Liza Kronraýf beýan etdi – diýip, Trend habar berýär.
Hytaýda we Hindistanda kowide garşy çäklendirmeleriň aýrylmagy bilen baglylykda nebite we nebit önümlerine ägirt uly isleg bildirilmegine garaşylýar – diýip, Bloomberg bilermenleriň pikirine salgylanyp, habar berýär.
Türkmenistanyň Döwlet gümrük gullugy harytlaryň we hyzmatlaryň birnäçesini üpjün edijileri gözleýändigini yglan etdi – diýip, şu gün «Türkmenistan» gazeti habar berdi.
"Gaz merkezi işe girizilenden soň, TANAP arkaly Yragyň we Türkmenistanyň "mawy ýangyjyn" Ýewropa import edip bileris". Bu barada TASS-nyň habar bermegine görä, Türkiýäniň prezidenti Rejep Taýyp Erdoganyň metbugat sekretary Ybragim Kalyn şenbe güni daşary ýurtly KHBS-niň wekilleri bilen bolan duşuşygynda aýtdy.
Şenbe güni Kataryň we Birleşen Arap Emirliklerniň energetika ministrleri dünýä üçin tebigy gazyň uzak wagtyň dowamynda gerek boljakdygyny, şoňa görä-de, ibermegiň howpsuzlygyny hem-de ählumumy energetika özgertmeleriniň geçýän mahaly, elýeterli bahalary üpjün etmek üçin goşmaça maýa goýumlarynyň zerur boljakdygyny aýtdylar.
Owganystanyň demirýol müdirliginiň 14 işgärinden ybarat wekiliýeti hünär kämilligimi artdyrmak we bu ugurda tejribe almak üçin şenbe güni Türkmenabat şäherine geldi. Bu barada ORIENT-e “Turkmendemiryollary” agentligi habar berdi.
“Birleşen Arap Emirlikleri (BAE) turbageçiriji arkaly gaz üpjünçiligini ösdürmäge maýa goýmagy meýilleşdirýär” – diýip, BAE-niň Energetika we infrastruktura ministri Suheil al-Mazrui şenbe güni Abu Dabide energiýa forumynyň açylyşynda aýtdy. Maslahat sosial ulgamlarda ýaýlyma berildi.
Bütindünýä bankynyň çaklamalaryna görä bütindünýädäki ykdysady ösüşde haýallama bolmagyna garamazdan Hytaýyň ykdysadyýeti berkär - diýip,China daily habar berýär.
Hytaýyň milli puly ýurduň onuň söwdada we maýa goýumynda ulanylmagy üçin edýän tagallalarynyň netijesinde daşary ýurtlardaky geleşikleriň we hasaplaşyklaryň meşhur serişdesine öwrülip barýar. Bu barada Sinhua agentligi HHR-nyň Täjirçilikministrligine salgylanyp, habar berýär.
Penşenbe güni, 12-nji ýanwarda Türkmenistanyň Döwlet haryt-çig mal biržasyndaky söwdalaşyklarda umumy bahasy $2 mln amerikan dollaryna we 17,5 mln türkmen manadyna barabar bolan 20 geleşik baglaşyldy – diýip, ORIENT-iň habarçysy habar berýär.
Nýu-Ýorkdaky COMEX biržasynda altynyň bahasy 2022-nji ýylyň aprelinden bäri ilkinji gezek $1,9 müňden geçdi. Gymmatbahaly metal bir troý unsiýasy üçin 1,15% gymmatlady – diýip, Iz.ru. habar berýär.
Döwlet tölegleriniň we kömek pullarynyň möçberi2008-nji ýyldan 2022-nji ýyla çenli 1225,2%, edil şunuň ýaly döwür üçin aýlyk haklary – 394,4% ýokarlandy. Şu hili sanlary ykdysady ylymlaryň kandidaty Maýagözel Babaýewa “Türkmenistan” gazetine beren synynda getirýär.
Türkmenistanyň Oba hojalyk we daşky gurşawy goramak ministrliginiň wekilleri agrar pudagynda hyzmatdaşygy giňeltmek üçin Özbegistana baryp gördüler – diýip, ÖR-nyň Oba hojalyk ministrliginiň saýtynda habar berilýär.
Penşenbe güni Aşgabatda geçirilen maslahatlaşmalarda Türkmenistanda Global GAP boýunça Milli tehniki iş toparyny döretmegiň mümkinçilikleri, şeýle hem onuň ýurduň oba hojalyk öndürijilerine we ykdysadyýetine getirip biljek peýdasy ara alnyp maslahatlaşyldy. Çäre “Merkezi Aziýada howpsuz migrasiýa” atly ABŞ-nyň halkara ösüş boýunça agentliginiň (USAID) maksatnamasy tarapyndan Türkmenistanyň Senagatçylar we telekeçiler birleşmesi hem-de Germaniýanyň Global GAP oba hojalyk önümleriniň hil standartyny sertifikatlaşdyrmak boýunça kompaniýasy bilen bilelikde Türkmenistanyň ykdysatçylar birleşiginiň gatnaşmagyna geçirildi.
Çarşenbe güni Parižde Türkmenistanyň we Fransiýanyň işewür toparlarynyň wekilleriniň işewür duşuşygy geçirildi. Gepleşikler business lunch görnüşde geçirilip, oňa VINCI Construction, CARPI Tech, MEDEF International, SAFRAN, PMJC, CIS Energy, IN Groupe, Thomson Broadcast, Oberthur, Airbus D&S, Saberatours fransuz kompaniýalarynyň we ýene-de birnäçe beýlekileriň wekilleri gatnaşdylar.
