Özbegistanyň hökümeti Hazarüsti halkara ulag geçelgesiniň çäklerinde Gazagystanyň Aktau portunyň üsti bilen ýükleri Ýewropa ibermegi işjeňleşdirmegi maksat edinýär diýip, duşenbe güni özbek DIM-niň “Dune” habarlar agentligi habar berýär.
Sişenbe güni Tokioda "Merkezi Aziýa-Ýaponiýa" işewürlik gepleşikleri geçirildi. Ol Ýaponiýanyň Ykdysadyýet, söwda we senagat ministrliginiň we Daşary işler ministrliginiň goldawy bilen ROTOBO ýapon söwda birleşigi tarapyndan gurnaldy.
Eýran Türkmenistanda nebiti gaýtadan işleýän zawodlary gurmaga, nebit we gaz ýataklaryny bilelikde özleşdirmäge, şeýle hem bäsdeşlige ukyply ýokary hilli enjamlary elýeterli bahadan Türkmenistana ibermäge taýýardyr.
Şenbe güni, 18-nji fewralda Türkmenistanyň Döwlet haryt-çig mal biržasyndaky söwdalaşyklarda nah ýüplügiň 39 müň kg daşary ýurda ugratmak barada geleşik baglaşyldy – diýip, ORIENT-iň habarçysy habar berýär.
Türkmenistan we Owganystan Serhetabat-Turgundy demir ýol ugry boýunça ýük daşamalarynyň möçberini artdyrmak barada ylalaşdylar — diýip, TASS habar berýär.
«Türkmendeňizderýaýollary» agentliginiň wekilleriniň we Fransiýa Respublikasynyň Kwalifikasiýa jemgyýetiniň Bureau Veritas Marine & Offshore sas (BV) wekilleriniň onlaýn-duşuşygy bolup geçdi, onuň çäklerinde taraplar hyzmatdaşlygy mundan beýläk giňeltmegiň we ösdürmegiň meselelerini ara alyp maslahatlaşdylar.
Anna güni, 17-nji fewralda Türkmenistanyň Döwlet haryt-çig mal biržasyndaky söwdalaşyklarda tehniki ýody eksport etmek boýunça uly geleşik baglaşyldy – diýip, ORIENT-iň habarçysy habar berýär.
«Türkmendemirýollary» agentligi edaralary we hususy kärhanalary maddy-tehniki serişdeleri üpjün etmek boýunça tender-bäsleşigine gatnaşmaga çagyrýar.
Azerbaýjan ÝB-ne gaz ibermegini artdyrmak maksady bilen, Günorta gaz geçelgesini giňeltmegi meýilleşdirýär. Bu barada Azerbaýjanyň prezidenti Ilham Aliýew «Turba geçiriji arzuwlary: geljegiň energetika howpsuzlygy» atly howpsuzlyk boýunça Mýunhen maslahatynyň çäklerinde geçen tegelek stolda beýan etdi – diýip, ARA agentligi habar berýär.
Penşenbe güni, 16-njy fewralda Türkmenistanyň Döwlet haryt-çig mal biržasyndaky söwdalaşyklarda jemi bahasy $4 mln amerikan dollaryna we 262 müň türkmen manadyna deň bolan 4 geleşik baglaşyldy – diýip, ORIENT-iň habarçysy habar berýär.
Penşenbe güni Türkmenistanyň Maliýe we ykdysadyýet ministri Serdar Joraýew we Awstraliýanyň Türkmenistandaky ilçisi (rezidensiýasy Moskwada) Greým Mihan Lesli türkmen-awstraliýa ykdysady hyzmatdaşlygyny we onuň ösdürilmegi üçin halkara hukuk resminamalarynyň işlenip düzülmegini maslahatlaşdylar.
Türkmenistanyň «Halkbank» paýdarlar täjirçilik banky döwlete degişli we hususy kärhanalara onlaýn-söwdany guramak üçin platforma berýär.
Bütindünýä bankynyň prezidenti Dewid Malpass öz ygtyýarlyklarynyň möhletiniň gutarmagyna bir ýyldan az wagt galanda öz wezipesinden gitmegi meýilleşdirýär. Özüniň gitmeginiň anyk sebaplerini ol aýtmady.
Bütin dünýäde smartfonlara we kompýuterlere bolan islegiň dowamly aşak düşmeginiň netijesinde Hytaýyň Lenovo Group Ltd kompaniýasy üçünji çärýekde satuwlardan gelýän girdejisiniň 24% pese gaçandygyny habar berdi – diýip, Reuters habar berýär.
Türkmenistanyň Saglygy goraýyş we derman senagaty ministrligi onkologiýa YKM, kardiologiýa YKM we Saglygy goraýyş anyklaýyş merkezi üçin lukmançylyk enjamlaryny we sarp edilýän materiallary satyn almak üçin tender yglan etdi – diýip, «Türkmenistan» gazeti habar berýär.
