Türkmenistan bilen Awstraliýanyň arasyndaky ykdysady hyzmatdaşlygy ösdürmegiň geljegi ara alnyp maslahatlaşyldy
Penşenbe güni Türkmenistanyň Maliýe we ykdysadyýet ministri Serdar Joraýew we Awstraliýanyň Türkmenistandaky ilçisi (rezidensiýasy Moskwada) Greým Mihan Lesli türkmen-awstraliýa ykdysady hyzmatdaşlygyny we onuň ösdürilmegi üçin halkara hukuk resminamalarynyň işlenip düzülmegini maslahatlaşdylar.
Söhbetdeşler iki ýurduň arasynda maliýe, energetika, ylym, syýahatçylyk, bilim, balykçylyk we gaýtadan işleýän senagat ugurlarynda gatnaşyklary ösdürmek üçin ähli mümkinçilikleriň bardygyny nygtadylar.
Iki ýurduň hyzmatdaşlygynyň üstünlikli ösdürilmegine ykdysadyýetdäki birmeňzeş bähbitler we hatda howa şertleri hem ýardam edip biler diýlip, duşuşygyň barşynda bellenildi.
Taraplar şeýle hem degişli ikitaraplaýyn ylalaşyklary taýýarlamak we gol çekmek arkaly maýa goýum we işewürlik gatnaşyklary ösdürmek üçin mümkinçilikleriň bardygyny nygtadylar.
ORIENT habarlar
