Azerbaýjan Günorta geçelgäniň üsti bilen Ýewropa gaz ibermegi artdyrmagy meýilleşdirýär
Azerbaýjan ÝB-ne gaz ibermegini artdyrmak maksady bilen, Günorta gaz geçelgesini giňeltmegi meýilleşdirýär. Bu barada Azerbaýjanyň prezidenti Ilham Aliýew «Turba geçiriji arzuwlary: geljegiň energetika howpsuzlygy» atly howpsuzlyk boýunça Mýunhen maslahatynyň çäklerinde geçen tegelek stolda beýan etdi – diýip, ARA agentligi habar berýär.
Ol 2027-nji ýyla çenli Adriatik deňziniň üsti bilen geçýän gaz geçirijisi boýunça azerbaýjan gazynyň daşalyşyny hazirki 11 mlrd kubometr bolanlygyndan 20 mlrd çenli, Anatoliýanyň üsti bilen geçýän gaz geçirjisi boýunça bolsa - 16 mlrd kubometrden 32 mlrd kubometre çenli artdyrmak meýilleşdirilýär – diýip, belledi.
Aliýew gaýtadan dikeldilýän energiýanyň Azerbaýjan bilen Ýewropanyň ýurtlarynyň arasyndaky gatnaşygy ösdürmekde aýratyn orun eýeleýändigini nygtady. Azerbaýjan bu ugurda eýýäm birnäçe taslamalary ýerine ýetirdi we elektrik energiýanyň 25 gigawatta çenli öndürilmegi bilen baglanyşykly resminamalara gol çekdi.
ORIENT habarlar
