Lenovo-nyň girdejisi kompýuterlere bolan islegiň pese düşmegi sebäpli 24% pese gaçdy
Bütin dünýäde smartfonlara we kompýuterlere bolan islegiň dowamly aşak düşmeginiň netijesinde Hytaýyň Lenovo Group Ltd kompaniýasy üçünji çärýekde satuwlardan gelýän girdejisiniň 24% pese gaçandygyny habar berdi – diýip, Reuters habar berýär.
Dünýädäki şahsy kompýuterleiň iň iri öndürijisiniň üçünji çärýekdäki – 2022-nji ýylyň oktabryndan dekabr aýyna çenli döwürdäki girdejisi $15,3 milliarda deň boldy, bu bolsa 2021-nji ýylyň şol çärýegi bilen deňeşdireniňde 24% pesdir. Şeýle hem gurluşlaryň öndürilişi 34% kemeldi.
Pandemiýa Lenovo kompaniýasynyň elektronikasynyň satuwlarynyň ýokarylanmagyny üpjün etdi, sebäbi köp adamlar öýden işläp başladylar we gadžetlerini täzelediler. Ýöne pandemiýadan soň tehnika bolan isleg pese gaçdy. Bulardan başga-da, Lenovo kompaniýasynyň Gonkongdaky paýnamalary 2,86% pese gaçdy.
ORIENT habarlar
